web counter
LEXO PA REKLAMA!

SHKARKO APP

App Store
Google Play

E fundit!

x

Sot nata e ndërrimit të viteve/ Spektakël fishekzjarrësh, si do festohet në kryeqytet

31 Dhjetor 2023, 10:55, Aktualitet CNA
Sot nata e ndërrimit të viteve/ Spektakël fishekzjarrësh, si
Foto ilustruese

Kryetari i Bashkisë së Tiranës, Erion Veliaj, ka zbuluar disa nga surprizat e mbrëmjes së Vitit të Ri në Tiranë.

Në qendër të Tiranës do të zhvillohet një koncert me artistët më të mirë shqiptarë dhe nuk do të mungojnë edhe fishekzjarret.

Kreu u Bashkisë gjatë një interviste televizive nënvizoi se do të ketë një spektakël të jashtëzakonshëm fishekzjarresh. 

“Do të kemi një spektakël të jashtëzakonshëm fishekzjarrësh. Koncerti fillon që në orën 21:00 dhe do të performojnë disa artistë. Kemi kuptuar se për vitin e Ri, Tirana është një destinacion i shumë turistëve të huaj, që vendosin ta kalojnë fundvitin në një qytet unik, ndaj e fillojmë koncertin pak më herët. Në orën 12.00 do të bëjmë numërimin mbrapsht dhe fishekzjarret. Do jetë një spektakël i vërtetë për fëmijët, më pas do të vijojë koncerti deri nga ora 02.00-03.00 e mëngjesit. Pastaj fillon puna për pastrimin e Tiranës. Data 1 janar është data më sfiduese për punonjësit tanë të pastrimit, të cilët teksa njerëzit janë ende duke përtypur gjelin dhe duke bërë pak gjumë, ata duhet të dalin që në orën 05.00 të mëngjesit. U jam vërtet mirënjohës sepse janë të parët për të pastruar e rregulluar qytetin. Ftesa që u kemi bërë gjithë qytetarëve është: Spektakli i fishekzjarrëve të Bashkisë del e tepron. Nuk ka nevojë të plasin fishekzjarre sepse kemi kaluar disa vite të mira pa incidente në Tiranë. Do doja që edhe ky të ishte një vit i mirë. Piromania për të pasur secili ‘armën’ e tij duhet të na kalojë një moment. Më vjen mirë që çdo vit Tirana është më mirë. Pothuajse s’kemi dëgjuar shashka gjithë këtë vit. Policia ka bërë punën e saj. Dua ta mbajmë kështu edhe sot me festat, për t’u siguruar që kalojnë pa incidente”, u shpreh Veliaj./CNA 





Lajmet e fundit nga