web counter
LEXO PA REKLAMA!

SHKARKO APP

App Store
Google Play

E fundit!

x

SKEMA/ Si u shit Delta Pharmas, gazetari jep detaje

30 Dhjetor 2023, 11:22, Aktualitet CNA
SKEMA/ Si u shit Delta Pharmas, gazetari jep detaje
Klodian Tomorri

Pas hetimeve për ish-ministrin e Shëndetësisë, Ilir Beqaj ku del në skenë edhe kompania farmaceotike "Delta Pharmas".  Gazetari Klodian Tomorri na tregon detaje nga kjo kompani. 

Në një postim në rrjetet sociale, Tomorri tregon se "Delta Pharma" është zotëruar me herët me 100% të aksioneve nga Eduar Curraj. 

Por çfarë ndodhi më vonë? 

Në janar të vitit 2023 është themeluar kompania Delta Holding me ndarje përgjysmë të aksioneve mes Dorian Sadikut dhe Eduart Curraj. Më pas, sipas gazetarit, në muajin shkurt, Curraj ja shet Delta Pharma-n kompanise Delta Holding me një vlerë 9 milionë eruo. 

"Për pagesën e kesaj shume do të vendosej herë pas here me vendim ansambleje të ortakeve të Delta Holding. Ansambleja e Delta Holding është Curraj dhe Sadiku. Pra, Sadiku ka hyrë pa asnjë lekë në një biznes 40 milionë euro në vit", shprehet gazetari. 

Tomorri thekson më tej se Dorjan Sadiku është kunati i Kliti Hotit, i cili është përfaqesuesi zyrtar i Novartisit në Shqipëri.

"Të jesh përfaqesuesi zyrtar i një gjigandi farmaceutik botëror dhe të kesh biznes familjar distribucioni të medikamenteve me kompani tjeter nuk lejohet. Nuk ta lejon kompania, në këtë rast Novartisi", thotë ai. 

Reagimi i plotë: 

Shitja e Delta Pharmas si inxhiniering financiar
Delta Pharma zoterohej 100 per qind nga Eduard Curraj. Ajo eshte kompania e dyte me e madhe farmaceutike ne Shqiperi me xhiro vjetore rreth 40 milione euro dhe fitim neto diku 2-2.5 milione euro ne vit.

Ne janar te ketij viti themelohet Delta Holding. Ortaket e Delta Holding jane Dorian Sadiku dhe Eduart Curraj, secili me 50 per qind te aksioneve, ndersa kapitali i kompanise eshte 50 mije euro.

Ne 27 shkurt, Curraj ja shet Delta Pharma-n kompanise Delta Holding, ku ishte vete pronar me 50 per qind te aksioneve. Pra zoti Curraj shiti nje biznes ku ishte 100 per qind pronar, tek nje kompani ku ishte 50 per qind pronar. Gjysma tjeter i kaloi Sadikut. Por nejse. Deri ketu, ne rregull.

Cmimi i shitjes ne kontrate eshte percaktuar 903 milione leke ose rreth 9 milione euro, pa pak. Por inxhinieringu qendron tek menyra e pageses. (Termin inxhiniering financiar e shpiku Berlusconi kur fshihte leket ngaqe e ndiqte Di Pietro ne kohen e Mani Pulite.)

Fillimisht bleresi, pra Delta Holding, do te paguaje vetem 30 mije euro brenda 3 muajsh nga firmosja e kontrates ne llogarine e shitesit, pra Delta Pharmas. Pjesa tjeter e cmimit prej 8 milione e 970 mije eurosh do te shlyhet per 10 vjet.

Per pagesen e kesaj shume do te vendosej here pas here me vendim ansambleje te ortakeve te Delta Holding. Ansambleja e Delta Holding eshte Curraj dhe Sadiku. Pra, Sadiku ka hyre pa asnje lek ne nje biznes 40 milione euro ne vit. Dhe cmimin e blerjes se kuotave do ta paguante me fitimet e biznesit qe bleu. Po keshtu mund te blesh dhe Apple apo Amazonin. Futesh pa asnje lek dhe behesh pronar i gjysmes se Apple se e paguan cmimin me fitimet qe do nxjerre Apple rruges.

Por historia eshte dhe me interesante se kaq. Dorjan Sadiku eshte kunati i Kliti Hotit. Zoti Hoti eshte perfaqesuesi zyrtar i Novartisit ne Shqiperi.

Te jesh perfaqesuesi zyrtar i nje gjigandi farmaceutik boteror dhe te kesh biznes familjar distribucioni te medikamenteve me kompani tjeter nuk lejohet. Nuk ta lejon kompania, ne kete rast Novartisi.

Tani pse i ka mbyllur syte Novartisi eshte ceshtja? Dy jane alternativat ketu. Ose ja kane hedhur, ose ka patur qejf qe t'ia hidhnin. Por kjo eshte shume e cuditshme per nje kompani boterore./CNA 





Lajmet e fundit nga