DOKUMENTI që implikon Beqajn/ Si ia fali Rrapajt ujin, energjinë dhe qendrën e sterilizimit në QSUT

21 Gusht 2023, 19:13, Aktualitet CNA

DOKUMENTI që implikon Beqajn/ Si ia fali Rrapajt ujin, energjinë dhe

Të tjera detaje nga dosja e sterilizimit që implikojnë ish ministrin e Shëndetësisë Ilir Beqaj kanë dalë në dritë.

Sipas mediave, përfshirja e Beqajt, del jo vetëm në paracaktimin e fituesit të këtij koncesioni me vlerë 100 milion euro, por dhe në krijimin e një dëmi financiar në buxhetin e shtetit prej 588 milion lekë të vjetra, dëm i cili është përllogaritur deri në zbatimin e kontratës koncesionare në muajin Prill 2022.

Bëhet me dije se ky dëm është llogaritur nga shpenzimet buxhetore në pagesat e ujit dhe energjisë elektrike, të cilat Ministri Beqja, ja ka hequr si shpenzime kompanisë ‘Sani Service’ duke ja arkëtuar shtetit.

Kontrata koncesionare është piketuar nga tre “aktorë” kryesorë Ilir Beqja ministër, Ilir Rrapaj miku i ministrit dhe Klodian Rjepaj me detyrë zv/ministër Shëndetësie.

Ndërsa zyrtarët e tjerë, sipas mediave i shërbejnë treshes Beqaj-Rrjepaj dhe Rrapaj, duke firmosur një sërë dokumentesh.

Koncesioni duket qartë që ka qenë i trukuar. Madje dhe kontrata finale për përcaktimin e kushteve kontraktuale, është trukuar.

Ka shumë gjasa dhe dyshime të arsyeshme që Draft-Kontrata është përpiluar jashtë zyrave të Ministrisë, në ndonjë takim privat mes treshes së shokëve Ilir Beqja, Klodian Rjapaj dhe Ilir Rrapaj.

Sipas asaj që raportohet në media, kontrata është dorëzuar në 4 dhjetor 2015 jo me postë, por dorazi nga ‘Sani-Service’ në ministrinë e Shëndetësisë, gjë e cila tregon zhdërvjelltësinë dhe sigurinë që ka pasur Ilir Rrapaj me zyrtarët e ministrisë së Shëndetësisë.

Përmes e-maileve të zbërthyera nga SPAK, del qartë se pavarësisht ngritjes së një grupi pune me disa emra në Ministri për të negociuar kushtet e kontratës, del qartë se atë e ka negociuar vetë zv/ministri i Shëndetësisë Klodian Rjepaj, i cili më pas draftin ja ka kaluar anëtarëve të komisionit.

Ndërsa në 10 Dhjetor 2015 kontrata është firmosur nga ministri Shëndetësisë, Ilir Beqja.

Në dosje thuhet se SPAK ka sekuestruar procesverbalin e datës 8 dhjetor 2015, i cili është mbajtur në mënyrë të përmbledhur nga anëtarët e Komisionit të Dhënies së Koncesionit dhe përfaqësuesit ligjorë të operatorit ekonomik të shpallur fitues, për negociatat e Kontratës së Koncesionit, ku rezulton të jetë shtetasi Admir Daca.

Në fundin e procesverbalit vërehet se kanë firmosur anëtarët e komisionit të dhënies së Koncesionit dhe përfaqësuesi ligjor i operatorit ekonomik të shpallur fitues Admir Daca.

Ky i fundit paraqitej për herë të parë në këtë mbledhje dhe emri i Dacës, nuk ishte përmendur asnjëherë gjatë përpilimit të dokumenteve nga 2014 e në vijim.

Kjo pasi sipas certifikatës së regjistrimit shoqëria ‘SaniService’ ka filluar veprimtarinë në 3 korrik 2015 dhe ‘Administrimi’ i saj i përkiste Vlonjatit Bledar Rrokaj, një i besuar i Ilir Rrapaj.

Ndërsa Admir Daca është emëruar Administrator i ‘SaniService’ në 1 dhjetor 2015 dhe në datat kur thuhet se është kryer negocimi ky person nuk ka qenë administrator i kësaj kompanie.

Gjithashtu, nuk disponohet ndonjë akt-autorizimi për pjesëmarrjen në negociata të Admir Daca përpara se të emërohet administrator i ‘SaniService’.

Prokuroria thotë se në lidhje me këtë negocim të kushteve të Kontratës, vërehet se Autoriteti Kontraktor që është Ministria e Shëndetësisë dhe titullari i saj, Ilir Beqja që ka firmosur, nuk ka paraqitur asnjë pikë për negocim në këtë kontratë.

Kontrata është hartuar nga ‘Sani-Service’ dhe zyrtarët e komisionit dhe vetë Ilir Beqaa kanë firmosur.

Kështu ish ministri i Shëndetësisë Beqaj dhe zyrtarët e tjerë i kanë dhuruar Rrapajt përveç 100 milionë euro, ujin, energjinë elektrike, ambientet dhe Qendrën Kombëtare të Sterilizimit në QSUT.

DOKUMENTI që implikon Beqajn/ Si ia fali Rrapajt ujin, energjinë dhe