web counter
LEXO PA REKLAMA!

SHKARKO APP

App Store
Google Play

E fundit!

x

Afera e Bankers/ Lala zbardh detaje: Rezultojnë të përfshirë një deputet dhe një ish-ministër

16 Tetor 2025, 21:55, Aktualitet CNA

Afera e Bankers/ Lala zbardh detaje: Rezultojnë të përfshirë

Gazetarja Klodiana Lala e ftuar në MCN Tv ka folur për aferën e Bankers.

Lala zbuloi se në hetimet e Prokurorisë së Fierit rezulton emri i një ish-ministri të qeverisë Rama, në mandatin e parë dhe të dytë si dhe një deputet socialist.

Më tej, gazetarja tha se ndaj këtyre personave rëndojnë akuzat për disa vepra penale dhe pritet të ketë masa të reja për zyrtarët e lartë.

“Në dosjen e prokurorisë së Fierit, rezulton një ish ministër i kohës së Ramës në qeveritë "Rama 1" dhe "Rama 2", që rezulton i përfshirë dhe një deputet i Kuvendit në rradhët e socialistëve, që rezulton person i referuar si i përfshirë në aferën Bankers. Pra këta janë referuar si të përfshirë në disa vepra penale.

Momenti i dytë, janë pesë gjyqtarë dhe prokurorë, që kanë patur çështje të Bankers dhe dyshohet se kanë marrë vendime për arsye korruptive. Ka edhe zyrtarë të tatimeve, po verifikohen nëse kanë patur rol për shmangien e tatimeve, që kompania të dilte me humbje. Këto janë fushat e veprimit ku është ndalur Prokuroria e Posaçme. Janë bërë shumë përgjime, gama e personave të hetuar do të jetë shumë e madhe. SPAK ende nuk i ka thirrur personat. Me sa duket prokuroria po sheh nëse do të mbajë të njëjtin qëndrim si Fieri për personat e parë të dyshuar. Mund të ketë mundësi për masa të reja për zyrtarët e lartë", deklaroi Lala./CNA





Lajmet e fundit nga