web counter
LEXO PA REKLAMA!

SHKARKO APP

App Store
Google Play

E fundit!

x

2.4 milionë lekë ryshfet/ SPAK dërgon në gjykim 1 polic dhe 1 ndërtues për korrupsion për një ndërtim pa leje

16 Tetor 2025, 11:54, Aktualitet CNA

2.4 milionë lekë ryshfet/ SPAK dërgon në gjykim 1 polic dhe

SPAK ka dërguar sot për gjykim në GJKKO dy persona të akuzuar për korrupsion për një ndërtim pa leje.

Sipas njoftimit të SPAK-ut, një nga të pandehurit është një shtetas në detyrën e policit bashkiak dhe shtetasi tjetër është një ndërtues i një objekti pa leje. 

Polici ka marrë përfitim të parregullt në shumën prej 2.4 milionë lekësh. 

Njoftimi i plotë:

Prokuroria e Posaçme kundër Korrupsionit dhe Krimit të Organizuar ka përfunduar hetimet dhe ka dërguar për gjykim në Gjykatën e Posaçme të Shkallës së Parë, procedimin penal, nr.62 të vitit 2025 ndaj të pandehurve:

Besmir Cani, me detyrë polic bashkiak, Bashkia Tiranë, i akuzuar për kryerjen e veprës penale, “Korrupsioni pasiv i personave që ushtrojnë funksione publike”, e parashikuar nga neni 259/2 i Kodit Penal;

Ahmet Mashollari, i akuzuar për kryerjen e veprës penale, “Korrupsioni aktiv i personave që ushtrojnë funksione publike”, e parashikuar nga neni 244/2 i Kodit Penal.

Pas përfundimit të hetimit paraprak ka rezultuar e provuar se i pandehuri, Besmir Cani, në ushtrim të detyrës së punonjësit të policisë bashkiake, ka marrë një përfitim të parregullt në shumën 2.400.000 lekë, për moskryerjen e veprimeve për një ndërtim pa leje. Këto veprime përfshijnë; mosraportimin, mosvendosjen e gjobës përkatëse si edhe shmangien nga prishja e objektit të ndërtuar pa leje nga i pandehuri, Ahmet Mashollari, i cili është provuar t’i ketë dhënë shumën e parave, punonjësit të policisë bashkiake./CNA 





Lajmet e fundit nga