web counter
LEXO PA REKLAMA!

SHKARKO APP

App Store
Google Play

Dumani takim me drejtoreshën e Zgjerimit në KE/ BE: E mirëpresim në Bruksel

15 Tetor 2025, 20:49, Aktualitet CNA

Dumani takim me drejtoreshën e Zgjerimit në KE/ BE: E mirëpresim

Kreu i Prokurorisë së Posaçme, Altin Dumani ka zhvilluar një takim me drejtoreshën e Zgjerimit në Komisionin Evropian, Valentina Superti.

Takimi është njoftuar nga zyra e BE në Tiranë, ku thuhet se fokusi ishte në luftën kundër krimit të organizuar.

Më tej, në njoftim thuhet se së shpejti Dumani do të zhvillojë një vizitë në Bruksel ku do të paraqesë arritjet e SPAK gjatë drejtimit të tij.

Zyra e BE në Tiranë, shkruan se Dumani ka dhënë një kontribut të madh në luftën e Shqipërisë ndaj korrupsionit dhe krimit të organizuar.

 

Njoftimi

 

Një diskutim shumë i frytshëm me Kryeprokurorin e Posaçëm Altin Dumani gjatë vizitës së Drejtoreshës së Zgjerimit në Komisionin Evropian, Valentina Superti, me fokus te puna e rëndësishme e SPAK-ut në luftën kundër krimit të organizuar.

Së shpejti presim të mirëpresim z. Dumani në Bruksel, ku ai do të paraqesë arritjet e SPAK gjatë mandatit të tij, një kontribut i madh në luftën e Shqipërisë kundër korrupsionit të nivelit të lartë dhe krimit të organizuar, si edhe në përparimin e vendit në rrugën e anëtarësimit në BE.

Kjo punë thelbësore duhet të vijojë me të njëjtën vendosmëri dhe forcë edhe nën Kryeprokurorin e ri të Posaçëm, përzgjedhjen dhe emërimin e të cilit do të vazhdojmë ta ndjekim nga afër.





Lajmet e fundit nga