web counter
LEXO PA REKLAMA!

SHKARKO APP

App Store
Google Play

Projektvendimi për ngritjen e Komisionit për Reformën Zgjedhore/ Bardhi: Jemi dakord

15 Tetor 2025, 12:11, Aktualitet CNA

Projektvendimi për ngritjen e Komisionit për Reformën Zgjedhore/

Në Konferencën e Kryetarëve është diskutuar për projektvendimin për ngritjen e Komisionit për Reformën Zgjedhore.

Gaz Bardhi është shprehur se është dakord për ngritjen e komisionit, por pasi të dalë raporti përfundimtar i OSBE-ODIHR.

“Jemi dakord për ngritjen e komisionit, pasi kjo çështje është një detyrim. Por unë kërkoj që ky komision të ngrihet pasi të kemi raportin përfundimtar të OSBE-ODIHR-it. Nuk mund të bëjmë ndryshime, kur jemi në pritje të rekomandimeve dhe sugjerimeve nga ai raport. Pra, propozoj që ngritja e këtij komisioni të bëhet menjëherë pas publikimit të raportit.

Kam edhe një çështje të dytë: Këtu është theksuar se komisioni përbëhet nga 16 anëtarë – 8 nga Partia Socialiste dhe 8 nga partitë e tjera parlamentare. Partitë parlamentare në Kuvend, referuar shpërndarjes së deputetëve, janë rreth 13. Pra, nuk veprohet mbi baza partish parlamentare, por mbi grupe parlamentare. Kjo ka qenë tradita e ruajtur. Sepse, po ta vlerësojmë ndryshe, do të thotë që PS t’i lërë një vend PSD-së, ndërkohë që kjo e fundit nuk është deklaruar në opozitë”, ka thënë Bardhi.

Ndërsa për sa i përket Komisionit të Posaçëm të Reformës Administrative-Territoriale Bardhi u shpreh:

“Po prishni traditën parlamentare dhe minoni konsensusin. Kjo reformë duhet të garantojë një mekanizëm konsensual. Po ua lexoj: këtu, në vitin 2014 dhe në vitin 2022, komisioni është ngritur mbi bazën e barazisë mes mazhorancës dhe opozitës. Sot vini me një propozim që nuk e garanton këtë. Prandaj, ne nuk pranojmë të jemi vetëm fasadë. Për këtë arsye, kërkoj që të ndryshoni përfaqësimin”./ CNA





Lajmet e fundit nga