web counter
LEXO PA REKLAMA!

SHKARKO APP

App Store
Google Play

E fundit!

x

Erjon Alibej vijon rrëfimet në GJKKO: Kam marrë pjesë në këto vrasje, financova edhe ekzekutimin e Dorjan Shkozës

16 Tetor 2025, 11:56, Aktualitet CNA

Erjon Alibej vijon rrëfimet në GJKKO: Kam marrë pjesë

Bashkëpunëtori i drejtësisë, Erjon Alibej, po dëshmon sot në Gjykatën e Posaçme në kuadër të procesit gjyqësor “Plumbi i artë”. Alibej është shprehur para togave të zeza se ka marrë pjesë në disa prej vrasjeve më të bujshme në vend.

Po ashtu ka deklaruar se ka financuar edhe vrasjen e Dorjan Shkozës. Vrasjen e këtij të fundit, Alibej është shprehur se e kërkoi për të gjetur Talo Çelën. Ai ka treguar gjithashtu se ka qenë përdorues i EncroChat-it qëkur aplikacioni është hedhur në treg.  

"Jam financues në vrasjen e Dorjan Shkozës. Jam pjesëmarrës në vrasjen e Besian dhe Viktor Haxhisë. Jam pjesëmarrës në vrasjen e Emiljano Ramazanit dhe Regis Runajt. Dhe në vrasjen e Bujar Çelës. Kam qenë i dënuar më parë për trafik droge, në vitet 2010-2011. Për këtë çështje jam arrestuar dhe kam dalë nga burgu në 2013. Kemi qenë një grup i dënuar për këtë çështje, mes tyre edhe vëllai im i ndjerë.

Vrasjen e Dorjan Shkozës e kërkova sepse me çdo kusht doja Talo Çelën. Nga komunikimi që unë kisha me Nuredinin, unë disa persona nuk i njihja që ishin pjesëtarë në vrasjen e familjarëve të mi. E mësova nga Nuredin Dumani që Dorjan Shkoza ka marrë pjesë në ekzekutimin e familjarëve të mi. Nuredin Dumani më dukej i besuar sepse më korrespondonin të dhënat. Nuredini Dumani nuk më tregoi ndonjë dokument për Dorjan Shkozën, por thëniet e tij më bindën. Lidheshin rrethanat, sepse Nuredini më tha kanë qenë dy makina. Ndaj familjarëve të mi është qëlluar me dy automjete.

Për vrasjen e Anxhelo Avdisë e mora vesh përmes televizorit, mos gaboj. Nuk kisha dëgjuar më parë për Anxhelo Avdinë. Nuredini më tha që ai ishte pjesë e grupit kundërshtar, i Talo Çelës. EncroChat-in e kam përdorur që kur është hedhur në treg. Rreth vitit 2016-2017 e kam nisur përdorimin", ka thënë Alibej. /CNA





Lajmet e fundit nga