web counter
LEXO PA REKLAMA!

SHKARKO APP

App Store
Google Play

Protesta gjithëkombëtare në mbështetje të UÇK/ Ahmeti: Në RMV kemi pezulluar edhe fushatën

16 Tetor 2025, 21:10, Aktualitet CNA

Protesta gjithëkombëtare në mbështetje të UÇK/

Kryetari i Bashkimit Demokratik për Integrim në Maqedoninë e Veriut, Ali Ahmeti në një intervistë televizive ka konfirmuar mbështetjen për protestën që do të mbahet nesër në Tiranë, në orën 17:00.

Protesta do të zhvillohet në mbështetje të ish-krerëve të UÇK-së të cilët prej 5 vitesh janë duke qëndruar në paraburgim në dhomat speciale të Hagës.

I pyetur nëse një protestë e tillë do të zhvillohet edhe në Shkup, Ahmeti deklaroi se janë duke e diskutuar me shoqatat e veteranëve në Kosovë dhe organizimi është çështje kohe.

"Është duke u biseduar me veteranët e Ushtrisë Çlirimtare Kombëtare, me siguri që janë në kontakt me shoqatat e veteranëve të luftës në Kosovë. Është çështje kohe se kur do të organizohet"

Ahmeti deklaron se në RMV kanë pezulluar edhe fushatën elektorale për ditën e nesërme.

"Ne kemi spostuar edhe fushatën për shkak të protestës. Të gjithë jemi UÇK, dhe nuk është protestë që na bashkon ndonjë grupacion, por protestë që na bashkon Ushtria Çlirimtare e Kosovës, për ta ngrit zërin të gjithë kundër kësaj padrejtësie të madhe që i bëhet Ushtrisë sonë. Dhe të gjitha aktivitetet për nesër janë të ngrira, me qëllimin që kjo protestë ka dimension kombëtar, me porosi dhe mesazhe për tribunalin se UÇK nuk është ndërmarrje kriminale, por organizatë çlirimtare", deklaroi Ahmeti.

Ajmeti tha se Tribunal ii Hagës ka ndërruar akuzën dhe ka trilluar raste të paqena sepse prokurorët devijuan lëndën bazuar te dëshmitë e njerëzve me qëllimë të këqija të nxitur nga Serbia.

"Gjyqi ndërroi akuzë, për raste të paqena të trilluara nga dëshmitarë intersaxhinj dhe shpifës, dhe kjo na irritoi pa masë, sepse prokurorët devijuan lëndën, nga Shtëpia e Verdhë në lëndë të sajuara nga njerëz qëllim të këqinj por edhe të motivuar nga shërbimet sekrete të Serbisë’’, ka shtuar ai./CNA

 

 

 

 

 

 

 





Lajmet e fundit nga