E fundit!

13:13 Politikë

"Protestat arritje e madhe"/ Rama: Shqipëria e para në rajon për performancën mjedisore, e 46-ta në botë

Kryeministri Edi Rama në një postim të bërë në rrjetet soc...

42 ditët e turpit të Erion Veliajt dhe Mero Bazes/ Vijojnë të mashtrojnë publikisht shqiptarët

28 Shtator 2025, 13:58, Aktualitet CNA

42 ditët e turpit të Erion Veliajt dhe Mero Bazes/ Vijojnë

Erion Veliaj dhe Mero Baze

Erion Veliaj dhe Mero Baze vijojnë të gënjejnë paturpësisht shqiptarët me pretendimet dhe akuzat ndaj prokurorit Ols Dado në lidhje me një kërkesë për shtesë mbi lejen e ndërtimit.

Sot janë mbushur plot 42 ditë dhe ende Erion Veliaj, kryebashkiaku i shkarkuar dhe roja e tij Mero Baze nuk kanë publikuar dokumentin me firmën e Ols Dados dhe refuzimin me firmën e Erion Veliajt në lidhje me lejen e ndërtimit.

Prej 42 ditësh, edhe pse të kapur të gjallë në mashtrim nuk tërheqin akuzat e bëra ndaj prokurorit dhe nuk publikojnë dokumentin me firmë.

Si Erion Veliaj dhe Mero Baze janë kthyer në mashtrues publikë, të cilët njëri nga qelia e burgut të Durrësit dhe tjetri me mbetjen mediatike përdorin intriga, sulme dhe skenarë për të goditur drejtësinë e cila ka çuar pas hekurave kryebashkiakun tashmë të shkarkuar, me 13 akuza për 5 vepra të rënda penale, Erion Veliajn, dosja e të cilit është kopsitur dhe është dërguar për gjykim.

CNA ka paralajmëruar se nuk do të ndalet deri sa mashtruesit publikë të publikojnë dokumentin me firmën e Ols Dados (që nuk ekziston njësoj si inceneratori i Tiranës)

Ky nuk është mashtrimi i parë dhe i fundit i Erion Veliajt dhe Mero Bazes por është një mashtrim që bëhet si luftë ndaj drejtësisë duke goditur në mënyrë kriminale prokurorë dhe gjyqtarë.

Më tej po sjellim pretendimet e Mero Bazes dhe Erion Veliajt.

Pretendimi i Erion Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

42 ditët e turpit të Erion Veliajt dhe Mero Bazes/ Vijojnë

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

42 ditët e turpit të Erion Veliajt dhe Mero Bazes/ Vijojnë

Pse nuk e nxjerr Veliaj, dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

42 ditët e turpit të Erion Veliajt dhe Mero Bazes/ Vijojnë

Pse nuk e vërteton Mero Baze? Pse nuk e publikon dokumentin me firmën e Ols Dados dhe refuzimin me firmë të Erion Veliajt? Pse nuk e nxjerr?

Sot jemi në ditën e 42-të të turpit të një kryebashkiaku të kapur 9 herë në korrupsion, në shpërdorim detyre dhe me shumë vepra të tjera të rënda penale dhe mbetjes së tij mediatike./ CNA