LEXO PA REKLAMA!

SHKARKO APP

110-vjetori i krijimit të Forcave të Armatosura/ Mesazhi i Presidentit Begaj: Një rrugëtim i vështirë e plot sfida

4 Dhjetor 2022, 10:03, Aktualitet CNA
110-vjetori i krijimit të Forcave të Armatosura/ Mesazhi i Presidentit
Presidenti Bajram Begaj

Në 110-vjetorin e krijimit të Frocave të Armatosura Shqiptare, Presidenti Shqipërisë Bajram Begaj ka shprehur mirënjohjen për arkitetktët e pavarësisë që themeluan një nga shtyllat e domosdoshme të garantimit të pavarësisë së shtetit shqiptar.

Përmes mesazhti të tij, Begaj shkruan se ky 110-vjeçar ka qenë një rrugëtim i vështirë e plot sfida, por sot vijnë si një forcë moderne, anëtare e NATO-s dhe aleate e besueshme, e aftë të përmbushë misionin e saj kushtetues dhe detyrimet Euro-Atlantike, e angazhuar në një sërë misionesh në mbrojtje të paqes dhe sigurisë, jo vetëm në vend, por edhe në rajon e në botë.

Në një kohë me sfida të shtuara ndaj sigurisë dhe paqes, është e domosdoshme më shumë përkushtim, përgjegjshmëri dhe angazhim i pakursyer nga të gjithë ne. Jam i bindur se angazhimi dhe detyrimi ynë do të vijojnë të mbeten të shenjtë ndaj Atdheut, Nderit dhe Detyrës!”,shkruan Begaj.

“Përjetë mirënjohës arkitektëve të pavarësisë, të cilët në ato ditë të vështira, kur vihej në pikëpyetje ekzistenca e shtetit të sapoformuar, me guxim, mençuri dhe atdhetarizëm të lartë, themeluan një nga shtyllat e domosdoshme të garantimit të pavarësisë së shtetit Shqiptar.

4 dhjetori i vitit 1912 shënoi themelimin Forcave të Armatosura në historinë e shtetit dhe kombit tonë.

Rrugëtimi 110 vjeçar i Forcave të Armatosura ka qënë i vështirë dhe i mbushur me sfida.

Forcat e Armatosura të Republikës së Shqipërisë vijnë sot në këtë 110-vjetor të themelimit, si një forcë moderne, anëtare e NATO-s dhe aleate e besueshme, e aftë të përmbushë misionin e saj kushtetues dhe detyrimet Euro-Atlantike, e angazhuar në një sërë misionesh në mbrojtje të paqes dhe sigurisë, jo vetëm në vend, por edhe në rajon e në botë.

Arritjet e deritanishme janë rezultat sa i përkushtimit dhe mundit të përbashkët, aq edhe i mbështetjes së vyer e të pazëvendësueshme të miqve dhe aleatëve tanë të NATO-s. Mirënjohja dhe vlerësimi ynë është maksimal për ndihmën e dhënë për transformimin, modernizmin, trajnimin, edukimin dhe rritjen e kapaciteteve tona ushtarake, falë bashkëpunimit tonë të ngushtë në tre dhjetëvjeçarët e fundit.

Në një kohë me sfida të shtuara ndaj sigurisë dhe paqes, është i domosdoshëm më shumë përkushtim, përgjegjshmëri dhe angazhim i pakursyer nga të gjithë ne.

Jam i bindur se angazhimi dhe detyrimi ynë do të vijojë të mbetet i shenjtë ndaj Atdheut, Nderit dhe Detyrës!

Gëzuar 110-vjetorin e krijimit të Forcave të Armatosura!”, është ky mesazhi i Begajt në 110-vjetorin e themelimit të FA shqiptare./ CNA.al

Lajmet e fundit nga