Mbi rëndësinë historike të ndeshjes Roma-Fejnord

25 Maj 2022, 16:21, Opinione Mentor Kikia

Mbi rëndësinë historike të ndeshjes Roma-Fejnord

Për t’i dhënë rëndësinë që meriton ndeshja mes skuadrave Roma dhe Fejnord, në emër të intelektualëve të pavarur shqiptarë, propozoj:

1. Data 25 maj të shpallet festë kombëtare, për të festuar të gjitë shqiptarët dhe jo vetën tiranasit. I vit, në 25 maj, të organizohen lojëra dhe festime të ndryshme.

2. Pas ndeshjes, trajneri Zhosé Murinjo të mos largohet pa iu drejtuar me një mesazh të posaçëm Parlamentit të Shqipërisë, ku ndër të tjera të tregojë edhe përshtypjet e tij të udhëtimit Rinas–Tiranë.

3. Unazës që kalon përreth stadiumit “Air Albania” t’i vihet emri i trajnerit të Fejnordit.

4. Një gazetar sportiv të marrë përsipër të shkruajë një libër mbi përshtypjet e të gjithë tifozëve, veçanërisht atyre holandezë për Shqipërinë dhe mikpritjen shqiptare.

5. I bëj thirrje Ministrisë së Kulturës dhe Qendrës Kombëtare të Kinamatografisë që të mbështesin pjesën e dytë të filmit “Koncert në vitin e 36-të” me titullin “Final 2022”.

6. Qeveria e Shqipërisë të ngrejë një grup të posaçëm pune për të gjitha këto.

17:10 Opinione

Këpucari - pianist

Nga Artan FugaIshte një këpucari te rruga e Kavajës, disa kë...

Lajmet e fundit nga