A ia ka dhënë Damiani emrin e Presidentit që ta propozojë Alibeaj?

18 Maj 2022, 14:11, Opinione CNA
A ia ka dhënë Damiani emrin e Presidentit që ta propozojë

Sot u duk sikur maxhoranca dhe opozita ranë dakord për mënyrën se si do vijojnë negociatat për zgjedhjen e Presidentit të ri të Republikës.

Mbledhja nisi me rutinën e fjalimeve të Alibeajt dhe ujin e tepërt që Enkelejdi është mësuar të derdhë kudo në to.

Nuk mund të kalonte pa vëmendje nervozizmi i Grida Dumës si dhe insistimi i Fatmir Mediut.

Grida besonte se mund ta vinte me shpatulla pas murit maxhorancën duke e bërë fakt të kryer votimin për emrin që do nxirrte Alibeaj.

Kurse Fatmir Mediu instistonte që opozita duhet të dilte sa më shpejt me propozim emrash konkret pa djegur raundet e mbetura.

Ishte interesante gjithashtu të ndiqje artikulimin e përfaqësuesve të maxhorancës.

Ndërsa Taulant Balla nuk kujdesej të caktonte numër kandidaturash, por përqëndrohej thjesht tek dispozita kushtetuese që paracakton 20 firma propozuese, Gjiknuri dukej më i përfshirë në disa negociata të tjera, ndaj dukej më i qartë në atë ç’ka tentonte të orientonte Alibeajn.

Gjiknuri para disa ditësh i hapi dritaren kandidaturave që mund të dilnin nga “Rithemelimi” duke i sugjeruar grupimit pas Alibeajt që të ishin ata që të përfshinin në propozimet e tyre, kandidaturat që mund të vinin nga Rithemelimi.

Tre dit më parë Alibeaj nxorri një skeme propozimi për Presidentit që konsistonte në propozimin e 4 emrave nga PD. PS sipas asaj skeme, mund te skualifikonte 2, dhe në negociatë të vendosej për kandidatin konsensual.

Kjo skemë u hodh poshtë nga Rama dhe Taulant Balla me arsyetimin se ajo i hiqte PS të drejtën e propozimit të emrave.

Negociata e sotme për aq sa kuptohej nga dialogu Balla-Alibeaj konsistoi në të drejtën e opozitës që të propozonte në raundin e dyte dhe të tretë dhe në rastet kur nuk bihej dakord, PS rezervonte të drejtën të zgjidhte e vetme në raundin e katërt dhe/ose të pestë.

Deri këtu gjithshka dukej e qartë derisa nuk u dëgjua ndërhyrja e Damjan Gjiknurit i cili riktheu shifrën 4 për kandidaturat që do të propozonte Alibeaj!

Nuk dihet se me cilin ka zhvilluar para-negociata Gjiknuri, por ndërhyrja e tij dukej se orientonte sërish Alibeajn për mënyrën se si Alibeaj duhet të organizonte propozimin.

Me të njëjtin stil siç i sugjeroi para ca ditësh që të ish Alibeaj që mblidhte propozimet e Rithemelimit!

A mos vallë Gjiknuri i ka dhënë ndërkohë emrin Alibeajt?

Dhe tani shqiptarët po gënjehen me filmimin e ca “negociatave” që janë mbyllur gjetkë?

Por për të mos rënë shumë në sy, Alibeaj bën sikur kërkon që ti zhvillojë me televizor!

Dhe meqë vjen luna te dalja në televizor, merr kuptim edhe prezenca e Elisa Spiropalit!

Është e qartë që nëse Balla arrin të kuptojë çfarë duhet të thonë nën rreshta fjalitë “orientuese” të Gjiknurit, Elisa e shkretë flet vetem që të dali në procesverbal që ka folur.

17:10 Opinione

Këpucari - pianist

Nga Artan FugaIshte një këpucari te rruga e Kavajës, disa kë...

Lajmet e fundit nga