Ikona e baladave të dashurisë/ Parios, në Tiranë

17 Maj 2022, 15:54, Kulturë CNA
Ikona e baladave të dashurisë/ Parios, në Tiranë

Këngëtari me famë botërore, ikona e baladave të dashurisë, Janis Parios, do të vijë në Tiranë pas më shumë se 3 dekadash për koncertin e radhës.

Koncerti do të mbahet në Pallatin e Kongreseve më datë 22 qershor 2022 dhe do të ketë formën e një show, duke thyer klishetë e performancave të standardizuara.

Ky aktivitet do të regjistrohet nga Televizioni Publik Shqiptar, duke i dhënë mundësi kështu një audience përtej kryeqytetit për ta ndjekur disa ditë më pas eventin artistik të vitit.

Eventi i vitit do të ketë mbështetjen dhe vëmendjen e veçantë të Bashkisë dhe Ambasadës Greke në Tiranë.

?Janis Parios, në Tiranë?, është një ngjarje artistike e përmasave ndërkombëtare që do të rikthejë në Tiranë një nga zërat më unikë të botës së artit grek.

Koncertin e parë në Tiranë ai e ka dhënë para viteve ’90 dhe tashmë rikthehet si simbol i këngës greke dhe artist i jashtëzakonshëm me një repertor të gjerë dhe që njihet gjerësisht nga publiku shqiptar, kjo e lidhur me zhvillimet shoqërore, sociale dhe kulturore që kanë shoqëruar marrëdhëniet mes dy vendeve./CNA.al

Lajmet e fundit nga