web counter
LEXO PA REKLAMA!

SHKARKO APP

App Store
Google Play

E fundit!

x

Arrestohen 7 persona në Durrës/ Kryen vepra të ndryshme penale

8 Maj 2022, 14:58, Kronika CNA

Policia e Durrësit ka vënë në pranga 7 persona për vepra të ndryshme penale.

Specialistët për Hetimin e Trafiqeve të Paligjshme dhe Narkotikëve në DVP Durrës arrestuan në flagrancë shtetasit A. H., 34 vjeç dhe F. R., 27 vjeç, pasi gjatë kontrollit të ushtruar nga shërbimet e Policisë, në banesën e shtetasit A. H. janë gjetur dhe sekuestruar një sasi lënde e dyshuar narkotike cannabis sativa dhe disa dokumente të dyshuara të falsifikuara. Nga veprimet hetimore dyshohet se ky shtetas ia ka blerë lëndën narkotike, shtetasit F. R.

Specialistët për Hetimin e Krimeve në Komisariatin e Policisë Durrës arrestuan në flagrancë, për veprën penale “Shkelja e rregullave të mbrojtjes në punë”, shtetasit L. P., 44 vjeç, E. X., 56 vjeç dhe R. K., 58 vjeç, banues në Durrës, pasi për shkak të moszbatimit të rregullave të sigurisë në punë, në një objekt në ndërtim e sipër, në lagjen nr. 15, Durrës, gjatë punës ka gjetur vdekjen punëtori, shtetasi G. S., 53 vjeç.

Specialistët për Hetimin e Krimit në Stacionin e Policisë Plazh arrestuan në flagrancë shtetasin E. A., 27 vjeç, banues në Ersekë, pasi është kapur nga shërbimet e Policisë, duke vjedhur në dyqanin e shtetasit K. S.

Nga verifikimet e kryera rezulton se ky shtetas është autor i disa vjedhjeve, konkretisht:

Më datë 28.04.2022, ka vjedhur në dyqanin e shtetasit B. F., një sasi paketash;

Më datë 04.05.2022, ka vjedhur në dyqanin e shtetasit L. S., një sasi paketash.

Specialistët e Qarkullimit Rrugor arrestuan në flagrancë shtetasin G. L., 43 vjeç, banues në Kavajë, pasi është kapur nga shërbimet e Policisë, duke drejtuar automjetin e tij, në gjendje të dehur.

Sakaq, materialet i kaluan Prokurorisë, për veprime të mëtejshme./ CNA.al





Lajmet e fundit nga