E fundit!

12:38 Aktualitet

Sloganet kundër në protestë/ Berisha: Janë vegël e opozitës së opozitës

Kryetari i Partisë Demokratike, Sali Berisha, ka deklaruar...

Pse u la i lirë i shumëkërkuari nga policia britanike?!

8 Maj 2022, 16:01, Kronika CNA

Ajas Sulejmani, drejtuesi i makinës luksoze që aksidentoi çiftin me fëmijën 3-muajsh sot në rrugën e Kavajës, është gjetur dhe arrestuar në një spital privat.

Me anë të një informacioni zyrtar, Policia e Shtetit informoi se Sulejmani, mik i ish-shefit të Operacionales Oltion Bistri, është ndëshkuar 8 herë në rrugë dhe është shoqëruar në komisariat para tri javësh.

Sipas bluve, 39-vjeçari është gjobitur për shkelje të sinjalizimit rrugor, shkelje semafori dhe mospërdorim të rripit të sigurimit dhe është ndëshkuar disa herë me bllokues gomash, për shkak të parkimeve në shkelje të rregullave të qarkullimit rrugor në rrugët e kryeqytetit.

Gjithashtu është shoqërur për verifikim nga strukturat e Trafiqeve të Paligjshme në Drejtorinë Vendore të Policisë Tiranë, dhe pasi është verifikuar, është proceduar për shkeljen e dispozitave të Kodit Rrugor.

Por, ashtu siç u raportua edhe më parë, 39-vjeçari nuk është një emër i panjohur për policinë. Autoritetet britanike e kanë shpallur në kërkim që prej vitit 2014 për trafikim lëndësh narkotike dhe ky informacion mund të gjendet lehtë vetëm me një kërkim në Google.

Pyetja që i shkon çdo shqiptari në mendje është se përse Ajas Sulejmani nuk është ndaluar nga autoritetet tona për shpalljen në kërkim dhe është lënë të endet i lirë rrugëve të Tiranës, duke u bërë edhe burim aksidenti?!

Mos ndoshta miqësia e tij me Oltion Bistrin ka ndikuar që policia të mbyllë njërin sy dhe të lërë të lirë autorin e aksidentit të sotëm që tronditi Tiranën?!

Përse Ajas Sulejmani bridhte rrugëve të Tiranës dhe shkelte rregullat e qarkullimit pa iu dridhur qerpiku?!

Këto janë disa nga pyetjet që policia duhet t’u japë përgjigje sot para të gjithë shqiptarëve dhe autoriteteve britanike, të cilat kanë shpallur “alarmin e kuq” që 8 vite më parë./ CNA.al

Miku i Oltion Bistrit “trondit” Tiranën/ I shumëkërkuari në Angli përplasi çiftin me fëmijën tre muajsh

I shpallur në kërkim për trafik droge/ Zbulohet e shkuara e errët e shoferit që aksidentoi familjen

Trafikanti i drogës “fluturoi në ajër” familjen/ “Bie” Policia, versionet që e turpërojnë

Policia rendit shkeljet e Ajas Sulejmanit/ I proceduar para 3 javësh, ndëshkuar 8 herë në rrugë

Video- Me semafor të kuq ndezur/ Momenti kur “G-Class” përplas çiftin dhe foshnjën 3-muajshe