Rasti TOP CHANNEL/ Prokurorët në Shqipëri kanë "vdekur"

2 Prill 2022, 11:57, Denoncim CNA

Ishte skandaloze, e padëgjuar më parë, sesi një televizion publikisht akuzonte stafin e tij, gazetarët e tij se kishin vënë gjoba, se po pastroheshin nga gjobëvënësit.

Ndodhi publikisht në Top Channel dy ditë më parë, në edicionin e lajmeve pas një reagimi nga Endrit Habilaj, autori i emisionin ?Top Story?.

Një emision që filloi me vajtjen e Ben Blushit në Top Channel. Një emision investigative, që askush nuk e kuptoi pse I duhej këtij televizioni, kur kishte Fiks-in.

Fiks Fare u kalua me vetëfinancim, dhe u shpik Top Story nga Ben Blushi, me autor Endrit Habilajn, i cili përdorte si ?pushkë? jo vetëm emisionin, por edhe gazetën Shqip. E nga ana tjetër financohej me para nga inceneratorët e korrupsionit.

Endrit Habilaj u akuzua publikisht nga Top Channel për gjobëvënie.

Më pas Endrit Habilaj iu përgjigj Vjollca Hoxhës, duke i thënë se ajo i kishte vënë gjobë një biznesmeni, se po vazhdonte të vinte gjoba dhe se kishte hequr emisione që ishin përdorur për gjobë.

Vepra penale, akte kriminale të thëna publikisht, të pranuara publikisht, të deklaruara publikisht. Nga vetë personat.

Pra, fakte të provuara. Me emra. Dhe sot pas kaq ditësh nuk ka asnjë fillim hetimi nga prokuroria.

Megjithëse ligji u jep të drejtë prokurorëve të fillojnë hetimet kryesisht, pasi vihen në dijeni për një vepër penale. Asnjë prokuror nuk guxon të hapë një dosje dhe të fillojë të hetojë gjobëvënie nga Top Channel.

I ka vënë gjobat Vjollca? I ka vënë gjobat Endrit Habilaj? I ka vënë Top Story? I ka vënë Top Channel? I ka vënë Ben Blushi?

Kush i ka vënë gjobat?

Kujt i kanë vënë gjoba? Pse i kanë vënë gjoba? Si dhe kur?

Këtë duhet ta hetojë dhe ta zbardhë prokuroria. Jo për një lajm gazetarie, por për t?i thënë STOP një herë e mirë gjobave në media, hajdutëve dhe gjobaxhinjve.

Dhe kur Top Channel e pranon vetë publikisht se ekrani i tij është përdorur për gjobëvënie, gazetari dhe autori i emisionit akuzon drejtuesit e televizionit, pronaren, për gjobëvënie, prokurorët heshtin.

Në Shqipëri kanë vdekur prokurorët?

A ka prokurorë në Shqipëri të hetojë?

Prokurori i Përgjithshëm a i shikon? A dëgjon këtë skandal të padëgjuar më parë?

A ka prokurorë Tirana?

A ka prokurorë SPAK?

Sepse nuk është thjeshtë një gjobëvënie, nga nje individ. Por, nga një media, nga një grup individësh.

Është një strukturë krimi të organizuar në gjobëvënie, prandaj Kryeprokurori duhet të ketë sy dhe veshë. Prokurorët duhet të kenë sy dhe veshë. Arben Kraja duhet të ketë sy dhe veshë. Por, mesa duket prokurorët në Shqipëri paskan ?vdekur.?/CNA.al

Vjollca Hoxha, përtej ndjesës dhe gjobave

Luftë mes gjobaxhinjëve/ Top Channel-Habilaj si shembulli më i keq i gazetarisë

Habilaj akuza Vjollca Hoxhës dhe Sokol Ballës/ I vunë e po vënë gjoba biznesit