Faza tjetër e luftës Rusi-Ukrainë/ Katër faktorët që duhen mbajtur parasysh

30 Mars 2022, 08:10, Blog CNA

Nga Chuck DeVore ?Fox News?

Faza e parë e fushatës ushtarake të Rusisë kundër Ukrainës ka kulmuar pa i arritur dot objektivat e saj: përmbysja e qeverisë së presidentit Volodimir Zelenski dhe instalimi në Kiev i një regjimi kukull haptazi pro-Moskës.

E paaftë për ta mposhtur ushtrinë ukrainase, Rusia po synon tani që të shkatërrojë qytetet ukrainase, duke vrarë sa më shumë civilë të jetë e mundur për t?i imponuar Ukrainës dorëzimin në fushën e betejës.

Por kjo gjë nuk do të ndodhë, pasi pas çdo breshërie bombardimesh ukrainasit do të vendosin të vazhdojnë rezistencën. Ndërsa lufta e Rusisë kundër Ukrainës po hyn në një fazë të re, ja cilët janë 4 faktorët që duhen mbajtur parasysh.

Ukraina ka 7 milionë njerëz të aftë për shërbim ushtarak, dhe po synon që t?i mobilizojë ata për mbrojtjen e vendit. Ukraina mund të rekrutojë më shumë personel ushtarak sesa Rusia, pasi Ukraina gjendet në një luftë për ekzistencën e saj, dhe ka një mbështetje financiare pothuajse të pakufizuar nga Bashkimit Evropian dhe Shtetet e Bashkuara të Amerikës.

Deri në mesin e muajit prill, qindra mijëra ukrainas do të kenë marrë trajnime të mjaftueshme për të shërbyer me kompetencë si trupa këmbësorie, duke i dhënë mundësi Ukrainën që të zëvendësojë humbjet dhe të rrisë madhësinë e shumë njësive. Kjo do t?i japë asaj mundësinë të shtojë kundërsulmet, pasi mund të tolerojë edhe humbjet më të mëdha që mund të sjellin këto të fundit.

Derisa të thahen fushat ukrainase në fund të majit ose në fillim të qershorit, gjë që do të lejonte një përparim më të shpejtë, Rusia do të ketë vetëm një mundësi në dispozicion: të godasë qytetet ukrainase me artilerinë e saj.

Por që ta bëjë këtë, Rusia duhet të sigurojë linjat e furnizimit brenda 16 deri në 32 km nga qendrat e qyteteve, që është edhe rrezja e raketave dhe artilerisë së saj. Nga ana tjetër, duhet që t?i mbrojë ato nga sulmet e dronëve ukrainas gjithnjë e më efektivë.

Rusia ka përballë një sfidë më të madhe me ndërtimin e diçkaje më shumë se sa vetëm ngacmimi me bombardime ndaj qyteteve ukrainase. Gjendja e mjerueshme e praktikave të tyre të mirëmbajtjes, i ka lënë ata pa kamionët që u duhen për të dërguar mijëra tonë municione artilerie në front.

Bjellorusia e tërhoqi pak ditë më parë ambasadorin e saj nga Ukraina, dhe po kërcënon se mund të dërgojë trupa për ta ndihmuar Rusinë. Por ky skenar bart 3 probleme. Së pari, ushtria bjelloruse nuk është shumë e aftë. Dhe detyra e saj kryesore është t?i detyrojë qytetarët e saj që të mos e rrëzojnë presidentin autokrat bjellorus, Aleksandër Llukashenko.

Së dyti, kufiri midis Bjellorusisë dhe Ukrainës përshkohet nga këneta e madhe e Pripiatit, një nga më të mëdhatë në botë, gjë që e bën shumë të vështirë lëvizjen e trupave ushtarake drejt jugut. Së treti, nëse Llukashenko angazhon një pjesë të konsiderueshme të ushtrisë së tij kundër Ukrainës, ai rrezikon trazira të brendshme që e kërcënojnë regjimin e tij, dhe për rrjedhojë edhe presidentin rus Vladimir Putin. Ky rrezik tejkalon çdo përfitim që mund të pritej në fushën e betejës.

Vladimir Putin i ka kërkuar ndihmë Kinës. Fushat në të cilat Rusia ka nevoja më emergjente janë furnizimet me municione që godasin më një saktësi të madhe dhe për kamionë të rinj. Amerika dhe aleatët e saj duhet t?ia bëjnë shumë të qartë Kinës, se çuarja e pajisjeve të prodhimit kinez

në Ukrainë, do të sjellë vendosjen nga Perëndimi të sanksione seriozeve mbi ekonominë kineze. Perëndimi nuk mund ta lejojë që Pekini të shpëtojë Moskën nga ?këneta? e Kievit. Gjëja e fundit që i duhet botës së lirë, është një aleancë në rritje midis 2 shteteve diktatoriale.

Përkthyer dhe përshtatur nga CNA.al