web counter
LEXO PA REKLAMA!

SHKARKO APP

App Store
Google Play

Presidenca zbardh detajet/ Çfarë u diskutua në mbledhjen e Këshillit të Sigurisë Kombëtare

14 Shkurt 2022, 17:44, Politikë CNA

Presidenti Ilir Meta ka mbledhur ditën e sotme Këshillin e Sigurisë Kombëtare për të diskutuar lidhur me konfliktin Rusi-Ukrainë.

Përmes një deklarate për mediat, Presidenca ka zbardhur detaje.

Meta në mbledhje ka theksuar se është e domosdoshme të mbahet kontakt me shtetasit shqiptar që jetojnë përkohësisht në Ukrainë, si dhe evidentoi mbështetjen e Shqipërisë ndaj këtij shteti si vend anëtar i NATO-s

?Presidenti i Republikës, Sh.T.Z. Ilir Meta thirri sot mbledhjen e Këshillit të Sigurisë Kombëtare, ku u diskutua rreth zhvillimeve më të fundit në kufirin Ukrainë ? Rusi, si dhe rreth pasojave të një përshkallëzimi të mëtejshëm nga një agresion i mundshëm ndaj sovranitetit dhe integritetit territorial të Ukrainës.

Presidenti Meta theksoi në mënyrë të veçantë domosdoshmërinë e evidentimit dhe mbajtjes së kontakteve me qytetarët shqiptarë me banim të përkohshëm në Ukrainë dhe mundësimin e evakuimit të tyre në rast nevoje, vijimin e reformave në fushën e sigurisë dhe mbrojtjes, forcimin e kapaciteteve kundër sulmeve kibernetike, marrjen e masave për rritjen e sigurisë së infrastrukturës strategjike dhe garantimin e rezervave të shtetit për çdo rast, si dhe ndjekjen me vëmendje maksimale të zhvillimeve në rajonin tonë.

Presidenti Meta dhe anëtarët e Këshillit të Sigurisë Kombëtare konfirmuan se, Shqipëria, edhe si vend anëtar i NATO-s dhe anëtar jo i përhershëm i Këshillit të Sigurimit të Kombeve të Bashkuara, është në krah të Ukrainës, në mbrojtje të sovranitetit dhe integritetit territorial të saj, si dhe nxit dialogun dhe rrugën paqësore për zgjidhjen e krizës aktuale?, shkruan Presidenca./E.K-CNA.al

Konflikti Rusi-Ukrainë/ Përfundon mbledhja e Këshillit të Sigurisë Kombëtare

 





Lajmet e fundit nga