E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

Shembja e banesave tek 5 Maji/ PD dorëzon kërkesën për seancë dëgjimore urgjente në Komisionin e Ligjeve

19 Janar 2022, 18:28, Aktualitet CNA

Partia Demokratike ka bërë me dije se ka dorëzuar një kërkesë për seancë urgjente dëgjimore në Komisionin e Ligjeve përsa i përket çështjes së shembjeve të banesave në zonën ?5 Maji? .

Përveç një përfaqësie nga banorët, në këtë seancë janë thirrur: kryetari i Bashkisë së Tiranës, Erjon Veliaj, drejtori i IMT pranë Bashkisë Tiranë, drejtori i Përgjithshëm i Policisë së Shtetit, Gledis Nano dhe Avokati i Popullit, Erinda Ballanca.

“Tetë deputetë të Partisë Demokratike në Komisionin e Ligjeve kërkojnë zyrtarisht seancë dëgjimore për çëshjtjen e shtëpive tek zona e 5 Majit. Në përpjekje për t?u ardhur në ndihmë banorëve që nuk kanë asnjë përgjigje nga asnjë institucion dhe që ndodhen nën presionin e policisë për prishjen e shtëpive, deputetët e PD-së i dërguan Kryetares së Komisionit të Ligjeve një kërkesë për seancë dëgjimore të premten.

Deputetët Gazment Bardhi, Enkelejd Alibeaj, Dhurata Çupi, Saimir Korreshi, Greta Bardeli, Dashnor Sula, Elda Hoti, Bledion Nallbati vënë në dukje detyrimin e këtij komisioni për të mbrojtur të drejtat e njeriut, posaçërisht të drejtën e pronës për rastin e familjeve në zonën e 5 Majit.

Në seancë dëgjimore, përveç një përfaqësie nga banorët, janë thirrur edhe përfaqësues nga disa institucione:

1-Kryetari i Bashkisë së Tiranës, Erjon Veliaj;

2-Drejtori i IMT pranë Bashkisë Tiranë;

3-Drejtori i Përgjithshëm i Policisë së Shtetit, Gledis Nano;

4-Avokati i Popullit, Erinda Ballanca

Deputetët e PD-së kërkojnë gjithashtu edhe paraqitjen nga institucionet të dokumentacionit të plotë mbi projektin dhe veprimtarinë e institucioneve mbi pronën e qytetarëve“, shkruhet në postim./ CNA.al