web counter
LEXO PA REKLAMA!

SHKARKO APP

App Store
Google Play

E fundit!

x

“Nuk ka konsultime me partitë”/ Meta justifikon takimin me Ballën

19 Janar 2022, 12:24, Politikë CNA

Presidenti Ilir Meta në një deklaratë për mediat pas takimit me kreun e grupit parlamentar të PS, Taulant Ballën tha se nuk ka konsultime me partitë për datën e zgjedhjeve të pjesshme vendore, në gjashtë bashki.

Meta justifikoi takimin e sotëm me Ballën, duke thënë se nuk ka pasur asnjë ftesë zyrtare për konsultim për partitë politike por ishte një kërkesë për sqarim për shkak të afateve ligjore.

“Nuk ka pasur asnjë ftesë zyrtare për asnjë forcë politike. Për të zgjidhur këtë çështje një herë e mirë ju i dini iniciativat e mia si me KQZ, si me Qeverinë, si me Kuvendin. Nga të gjithë veprimet kam komunikuar me këto institucione, dhe njëkohësisht me Gjykatën Kushtetuese për çështjen e  Lushnjës, për të cilën presim përgjigje përfundimtare brenda ditës së sotme. Nuk ka pasur ofertë për Partinë Socialiste. Sigurisht që ka pasur një kërkesë informale për një konsultë me kryetarin e shumicës në Kuvend, i cili është z. Balla, meqenëse kemi pasur disa dilema të interpretimit të ligjit për datën e zgjedhjeve. Qëllimi im ka qenë që të jap kohën maksimale të 45 ditëve që nuk ka të bëjë me forcat politike por edhe me përgatitjen e procesit pasi bëhet fjalë për 6 njësi që fillojnë në Theth dhe mbarojnë në Lushnjë! Këshilli i Ministrave më njoftoi dje, Gjykata Kushtetuese maksimumi e sjell nesër”, tha Meta.

I pyetur nga gazetarët në lidhje me shkarkimin e tij si president nga ana e mazhorancës, Meta ironizoi duke thënë ?shkarkime të tilla paçin të gjithë?./CNA.al





Lajmet e fundit nga