LEXO PA REKLAMA!

SHKARKO APP

Takim për Ligjin e Sponsorizimeve, Duka: Ministrja Kushi e priti mirë propozimin, ndryshuam taktikë

11 Janar 2022, 16:00, Sport CNA
Takim për Ligjin e Sponsorizimeve, Duka: Ministrja Kushi e priti mirë

Presidenti i Federatës Shqiptare të Futbollit, Armand Duka, së bashku me presidentët e klubeve të Superiores, kanë pasur ditën e sotme një takim me ministren e Arsimit dhe të Sportit, Evis Kushi. Tema e diskutimit ishte Ligji i Sponsorizimeve në sport.

Pas takimit te ministren Kushi, Duka u shpreh se propozimi u prit mirë dhe brenda këtij viti do të kemi Ligjin e Sponsorizimeve.

Duka theksoi se ka ndryshuar taktika e bojkotit, siç ndodhi sezonin e kaluar dhe shtoi se tani po përdoret një taktikë tjetër.

?Sot patëm një takim me Ministren e Sportit, Evis Kushi. Kërkuan nga neve për të riaktivizuar atë iniciativë të lënë më shumë se një viti më parë për Ligjin e Sponsorizimeve.

Ministrja e priti shumë mirë propozimin tonë do ta ndjekim bashkarisht që të kemi një Ligj të Sponsorizimeve në vitin 2022. Ne kemi të njëjtin propozim, e rëndësishme është që të ketë një Ligj të Sponsorizimit.

Të ketë një Ligj të Sponsorizimit që të sigurojë mbijetesën e sportit në përgjithësi në Shqipëri dhe jo vetëm në futboll, por në të gjithë sportet e tjera.

Sporti nuk është thjesht një garë apo kampionat, sporti është një edukim, një nivel jetese për fëmijët tanë. Dua të falënderoj ministren Kushi për marrëdhëniet e mira FSHF-në dhe për një lloj ndryshimi të qasjes së saj për zhvillimin e sportit. Kam shumë besim që do ta vazhdojmë përpara.

Kemi ndryshuar taktikën me bojkot, tani po provojmë një taktikë tjetër. Në mbledhje që kemi pasur përpara Vitit të Ri me Ligën Profesioniste kemi vendosur që një përfaqësi e klubeve dhe e FSHF-së ta iniciojë këtë me ministren e Arsimit dhe të Sportit.?, u shpreh Duka.

Lajmet e fundit nga