Moviola/ Arbitri favorizoi Juventusin, mungon një penallti për Romën

10 Janar 2022, 10:30, Sport CNA

Moviola/ Arbitri favorizoi Juventusin, mungon një penallti për

Nuk mund të mbyllej pa polemika edhe supersfida Roma-Juventus. Ndeshjes që ?Zonja e Vjetër? fitoi falë një përmbysjeje të çmendur në shtatë minuta, La Gazzetta dello Sport i ka dedikuar një shkrim edhe gjykimit të arbitrit.

Episodi më i kontestuar nga Roma vjen nga minuta e 14 kur pati një prekje të topit me dorë nga De Ligt. Topi shkoi fillimisht në trupin e mbrojtësit holandez dhe më pas në dorë. Si rrjedhojë arbitri vendosi të mos akordonte 11-metërsh.

Vendim i gabuar ky sipas prestigjiozes italiane që e konsideron penalltinë shumë të dukshme. Gabim për gjyqtarin kryesor të ndeshjes Massa-n dhe Di Paolo që qëndron në dhomën VAR.

Ndërkohë, vendim i drejtë për penalltinë e akorduar dhe të kuqin e De Ligt në minutën e 81. Vendim i drejtë edhe në fundin e ndeshjes kur ndërhyrja e Szczesny rrëzoi në tokë Abraham, por portieri polak preku pastër topin.

Kështu, La Gazzetta dello Sport thotë se mungon një penallti për Romën. Një vendim ky që mund t?i jepte një tjetër rrjedhë lojës.