LEXO PA REKLAMA!

SHKARKO APP

Pse është mirë të dëgjojmë orën tonë biologjike

1 Janar 2022, 20:00, Blog CNA
Pse është mirë të dëgjojmë orën tonë

Trupi ynë ka aktivitetin e tij minimal dhe maksimal brenda 24 orëve. Prandaj ne duhet të përpiqemi të mbështesim ritmin biologjik duke ngrënë, stërvitur dhe fjetur në kohën e duhur. Vetëm në këtë mënyrë, gjithçka do të funksionojë më së miri.

Në fakt ndjekja e ritmit të duhur të trupit, na ndihmon të mos shtojmë në peshë, të stërvitim muskujt në një mënyrë më efektive, dhe të jemi realisht të përqendruar, kur duhet të studiojmë ose të punojmë. ?Ne kemi një orë kryesore biologjike, e cila vepron si një ?dirigjent orkestre? për të gjitha funksionet e organizmit.

Ajo ndodhet në hipotalamus (një zonë e trurit), dhe rregullohet kryesisht nga ritmi dritë-errësirë. Krahas saj, çdo organ dhe çdo aparat ka ciklin e vet të aktivitetit dhe pushimit, që duhet respektuar për të qëndruar i shëndetshëm? – thotë Roberto Manfredini, kronobiolog në Universitetin e Ferrarës, dhe autor i librit me titull ?Ka një kohë për gjithçka?.

Sipas tij nëse e fikim këtë orë biologjike, duke e ndërruar ditën me natën, të gjitha sistemet shkojnë keq. ?Por edhe kur orët dytësore ndryshojnë ritmin, ne do të hasnim shumë probleme, pasi është njëlloj sikur një nga instrumentet e orkestrës të jetë e ç?akorduar?- shton ai

Një ditë ideale fillon me ushtrime fizike pasi siç shpjegon Manfredini ?lëvizja para mëngjesit në ndihmon të djegin më shumë dhe më mirë dhjamin. Në këtë mënyrë, ju uleni për të ngrënë mëngjes të uritur. Dhe mos harroni se ky është vakti kryesor i ditës, i dobishëm për sigurimin e energjive në organizëm, pikërisht në mëngjes, kur ai është më i nevojshëm.

Për më tepër, zgjimi është edhe koha më e mirë për të bërë seks, pasi në këtë kohë rritet niveli i testosteronit dhe hormonet e tjera, shtohet dëshira dhe përmirësohet aktiviteti seksual, thotë Manfredini. Pas mëngjesit rifillojnë edhe lëvizjet gastrointestinale, të cilat pothuajse zerohen gjatë natës, dhe është koha e duhur për të shkuar në tualet.

?Midis orës 9 dhe 11 të mëngjesit, kujtesa afatshkurtër, vëmendja, saktësia, saktësia e gjesteve janë në maksimumin e tyre. Ndaj është koha e favorshme për të mësuar dhe për

të punuar në një përqendrim maksimal?- thotë kronobiologu italian. Por sipas Manfredinit, pas drekës, vjen në mënyrë të pashmangshme vjen një ?fazë e rënies?.

Në fakt organizmi ka nevojë për pushim,dhe duhet të kënaqet me një sy gjumë (jo më shumë se 30 minuta). Aktiviteti rifillon rreth orës 15-16 të pasdites, kur ka një kulm të kapacitetit të kujtesës afatgjatë, dhe për këtë arsye është një kohë e mirë për të organizuar punën.

Në orët e vona të pasdites mund të ktheheni në palestër. Koordinimi, funksioni kardiovaskular dhe muskujt janë në fakt në maksimum, dhe rritet temperatura e trupit (tregues i metabolizmit të brendshëm), e cila e arrin kulmin rreth orës 18-19.

Stërvitja është në kohën e duhur, pasi kryeja e saj më vonë mund të ndërhyjë në mekanizmat, që më pas na çojnë drejt gjumit. Kryesorja është sekretimi i melatoninës, ose hormonit të pushimit, që nis të sekretohet rreth orës 21:00.

Në këtë kohë trupi fillon të ?fiket? dalëngadalë, dhe është mirë t?i bindeni, pasi ?aktivizimi i makinës kur ajo duhet të jetë e fikur, do të thotë prishje e ekuilibrave delikate?. ?Ngrënia natën vonë, të qëndruarit zgjuar deri vonë apo ekspozimi ndaj dritës artificiale gjatë natës, i prishin ciklet biologjike, dhe e detyrojnë organizmin të kryejë aktivitete të panatyrshme, të pa sinkronizuara, të cilat favorizojnë shfaqjen e shumë sëmundjeve.

Për shembull, gjatë natës temperatura e trupit është në nivelin më të ulët, pasi të gjitha funksionet janë të kalibruara për konsum të ulët. Sistemi tretës nuk është gati të pranojë ushqim, dhe mëlçia nuk mund t?i përpunojë mirë yndyrnat. ?Në fakt, nëse hamë diçka të ëmbël, sheqeri në gjak rritet më shumë, dhe në planin afatgjatë kjo çon në shtimin e peshës dhe zhvillimin e sindromës metabolike apo diabetit?- përfundon Manfredini.

Përkthyer dhe përshtatur nga CNA.al

Lajmet e fundit nga