E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

Revoltohet Nikoll Lesi/ Analistët marrin 20 mijë euro, dhe na çajnë t*apin me moral të pështirë

23 Dhjetor 2021, 11:13, Politikë CNA

Analisti Nikollë Lesi ka reaguar me anë të një shkrimi, në lidhje me pagat e disa analistëve dhe gazetarëve, të cilat janë bërë publike së fundmi.

Me anë të një shkrimi në gazetën ?Koha Jonë?, Lesi shfaqet i revoltuar.

?Ajo që ka ndodhur me publikimin e pagave të mbi 630 mijë personave është kriminale dhe duhen dënuar penalisht nga drejtësia në kohë rekord.

Natyrisht që çdo e keqe ka edhe një të mirë!

Nëse shikon me kujdes emra analistësh apo njerëz nga bota e medias shqiptare vëren se pagat e tyre janë të jashtëzakonshme, stratosferike. Ose me saktë nëse nuk do të dilte data base, nuk do të kishim kurrë mundësi të merrnim vesh se nga u vijnë burimet financiare te pa imagjinueshme?, shkruan Lesi.

Sipas tij, edhe gazetarë të njohur të CNN apo BBC, bile edhe drejtues të këtyre stacioneve prestigjoze ndërkombëtare, nuk kanë rroga të tilla mujore siç dalin disa emra analistësh shqiptarë dhe kosovarë, për të cilët kishte dyshime se pse e ngrinin zërin nëpër studio televizive, por kur shikon rroga mes 15 milion deri në 22 milionë lekë në muaj kupton qartë se sa të ?pavarur? janë ata!

Më tej Lesi ngre dyshime, se me këto paga blihen analistë dhe gazetarë dhe është mbytur liria e medias.

?Dhe kur shikon se kush ua paguan nga ky publikim i sotëm, dalin pronarët e vertetë të zërit të tyre të ?lirë?.

Por nga data base që u publikua sot shikon se si disa analistë paguhen në vende pune që nuk kanë asnjë lidhje me punën në media.

Natyrisht që ato janë paguar dhe u bëfshin mirë, por së paku të mos na çajnë trapin me moralin e tyre të pështirë si gjoja njerëz të drejtë e që janë të lirë nëpër studio televizive kombëtare.

Ata (emrat nuk po ua përmendim derisa të pyesim një avokat nëse përbën shkelje ligji) nuk duhet të na tregojnë ligjin, barazinë, luftën ndaj pabarazisë, etj nëpër studio që kanë licensë kombëtare.

Natyrisht që janë media televizive private, por licensa mbetet pasuri publike e të gjithë shqiptarëve dhe ata që na bëjnë moral, të mos duken si shenjëtorë.

Natyrisht që disa analistë apo gazetarë me emër punojnë në mënyrë titanike dhe e meritojnë, por sëpaku disa syresh, pas këtij publikimi doli se ku paguhen.

Nuk po flasim kësaj here se nga u vijnë këto shuma marramendëse eurosh, porse po mjaftohemi me dyfytyrsinë e tyre kur i shikojmë nëpër studio?, shkruan më tej ai./E.S-CNA.al