LEXO PA REKLAMA!

SHKARKO APP

Publikimi i të dhënave personale/ Avokati i Popullit apel drejtësisë: Hetim dhe marrje urgjente masash

22 Dhjetor 2021, 21:17, Politikë CNA

Avokati i popullit ka reaguar pas skandalit të publikimit të listë-pagesave, akt të cilin e konsideron shqetësues duke krijuar në këtë mënyrë një potencial të paidentifikuar tensioni dhe prishjeje të harmonisë sociale.

Më tej, në deklaratën e tyre zyrtare, Avokati i Popullit i bën apel organeve ligjzbatuese për një hetim të shpejtë të kësaj ngjarjeje.

?AVOKATI I POPULLIT REAGON MBI PUBLIKIMIN E PAAUTORIZUAR TË TË DHËNAVE SENSITIVE TË QYTETARËVE SHQIPTARË

Avokati i Popullit e konsideron shqetësues faktin e publikimit e paautorizuar të një baze të dhënash në të cilën ekspozohen detaje mbi pagat e punonjësve shqiptarë si dhe informacione të tjera sensitive.

Institucioni i Avokatit të Popullit tërheq vëmendjen për përsëritjen e këtyre publikimeve që cënojnë privacinë dhe të drejtat e qytetarëve duke krijuar një potencial të paidentifikuar tensioni dhe prishjeje të harmonisë sociale.

Cënimi i përsëritur i sigurisë së të dhënave personale të qytetarëve shqiptarë dëshmojnë për nivele me të vërtetë të dyshimta të profesionalizmit dhe seriozitetit nga ana e institucioneve të ngarkuara për ruajtjen dhe menaxhimin e këtyre të dhënave.

Avokati i Popullit kërkon hetimin e shpejtë dhe tërësor të kësaj ngjarjeje dhe marrjen e masave urgjente për mbylljen përfundimtare të këtij kapitulli të trishtuar i cili minon besueshmërinë e qytetarëve në organet e administratës dhe institucionet e shtetit shqiptar?, thuhet në njoftimin zyrtar./CNA.al

Lajmet e fundit nga