LEXO PA REKLAMA!

SHKARKO APP

"Ia kanë vënë syrin “kriminelit”/ Ish-ministri i Ramës zbulon planin, çfarë do të ndodhë me AKSH

23 Dhjetor 2021, 08:36, Politikë CNA

Ish-ministri i Drejtësisë në qeverinë ?Rama 1?, Ylli Manjani ka reaguar në lidhje me lajmin për publikimin e pagave të qytetarëve.

Në një postim në rrjetet sociale, Manani shkruan se ndërkohë që njerëzit merren me këtë lajm, qeveria do lejojë AKSH të bëjë një tender më të madh.

Sipas Manjanit, hyn në fuqi dhe ky ligji idiot për bashkëqeverisje ku AKSHI bëhet kompani gati për privatizim.

Po ashtu, Manjani shkruan se ja kanë vënë syrin dikujt për ta futë në burg, që të vijojë populli të merret me ?kriminelët? që nxjerrin në pazar të dhënat.

?Ja u sqarua edhe puna e rrogave.

Ndërkohë që njerëzit merren me rrogën e Blushit, Batonit, Dudushit, Enit, Kolit etj, qeveria do lejojë AKSH të bëjë një tender më të madh.

Me këtë tenderin do zgjidhen të gjitha hallet..

Hyn në fuqi dhe ky ligji idiot për bashkëqeverisje ku AKSHI bëhet kompani gati për privatizim dhe pastaj zgjidhen përfundimisht hallet tona.

Duket se ja kanë vënë syrin dikujt për ta futë në burg? Duhet një shembull që të vijojë populli të merret me ?kriminelët? që nxjerrin në pazar të dhënat. Ndërkohë që të dhënat janë rrugëve prej kohësh?

Ndoshta me këtë rast sqarohen edhe tensionet e brendshme në katin e dytë të Kryeministrisë?

Ja kështu, sqarohet dhe ky skandal. Të gjithë fitojnë.

Qeveria justifikon dështimin e 80 milionë eurove që harxhon vit për vit për mirmbajtjen e sistemeve elektronike. I justifikon duke harxhuar më shumë?

Populli gëzon duke u hidhëruar me pagat e dynjasë.

Kështu harrojmë edhe armatosjen e selisë së PD nga kamikazi Nul.

Ka edhe ndonjë si puna ime që kërkon siguri të të dhënave, po punë e madhe! Me këto gjëra bëhen filma?

Hajde gëzuar festat!

Ejj, më thuaj kush je të të them sa e ke rrogën.

Nuk na ka hije or, jo! ?-shkruan Manjani./CNA.al

Lajmet e fundit nga