LEXO PA REKLAMA!

SHKARKO APP

Situata në PD/ Topalli tregon arsyet: Ja pse në 18 dhjetor nuk do ketë Kuvend

1 Dhjetor 2021, 20:21, Politikë CNA
Situata në PD/ Topalli tregon arsyet: Ja pse në 18 dhjetor nuk do

Për ish kryeparlamenatren Jozefina Topalli, demokratët do të kenë vetëm një Kuvend dhe ai është në datën 11 dhjetor.

Në një intervistë për emisionin ?Now? me Erla Mëhillin në Euronews, Topalli deklaroi se 18 dhjetori është nul, pasi demokratët nuk do të jenë të pranishëm në datën e thirrur nga Basha.

Sipas saj, veprimet e Bashës i kanë dhënë Ramës pushtet absolut, ndërsa thekson se pluralizmi në vend është cënuar.

E djathta në tërësi dhe PD në veçanti deri në këtë momenteështë në situatë kritike.

Praktikisht kishte humbur misionin e saj të opozitarizmit, për shkak të lidershipit. Një parti që kishte vrarë votën brenda vetes dhe përjashton këdo që nuk mendon si kryetari. Nisim nga sekretarja e Sarandës, tek kryetari i Fierit dhe te Oerd Bylykbashi.

Tek mospërfshirja e Agron Shehajt në garën që bëri. Ishte një parti që humbi vlerat dhe parimet e asaj që u ngrit. Kur e shet misionin tek qeveria, jo vetëm që nuk është alternativë, por nuk është as opozitë. Basha po bën fasadën e rreme siku pluralizmi është aty. Në fakt pluralizmi ka qenë shumë i cënuar gjatë viteve të fundit. Basha i ka legjitimuar të gjitha pushtetet Ramës, duke e bërë një super kryeministër.  Po të kishim ndërhyrë më herët, nuk do kishim lënë të kishim një qeverisje sicc e kemi sot që të shkonte në 12 vite. Ajo që quhet foltore por që është një lëvizje,

Faza e parë, ajo që do ndodhë në 11 dhjetor do vendos piketat, nëse do rikthejë në binarë kushtetutën e PD. Në fakt unë mendoj se do ketë vetëm një kuvend. Nëse në 11 dhjetor Berisha do u demostroj shqipatërve emër për emër që kanë numrin e caktuar nuk ka më 18 dhjetor?, tha Topalli./CNA.al

Lajmet e fundit nga