LEXO PA REKLAMA!

SHKARKO APP

Berisha apo Basha?/ Paloka: Ka vetëm një zgjidhje, si të shmanget shkatërrimi i PD  

19 Nëntor 2021, 13:26, Politikë CNA
Berisha apo Basha?/ Paloka: Ka vetëm një zgjidhje, si të shmanget

Kryetari i Këshillit Kombëtar të PD, Edi Paloka shkruan se përplasja mes ish-kryeministrit Berisha dhe kreut në detyrë, Lulzim Basha vetëm sa po vijon ta dëmtojë më shumë Partinë Demokratike.

Në një postim në rrjetet sociale, Paloka thekson se që kjo ?luftë? të mos vijojë të dëmtojë PD, ka vetëm një zgjidhje, e cila është VOTA.

?Sot është më se e qartë se në PD janë krijuar dy palë të cilat me luftën mes tyre, sa më shumë zgjatet, aq më shumë e dëmtojnë PD!

Kush bën sikur nuk e sheh këtë realitet, fsheh kokën si struci me absurdin se ?çfarë nuk e shoh unë, nuk është duke ndodhur?, ndërkohë që demokratet po hanë njëri-tjetrin.

E vetmja zgjidhje sot është VOTA!

Të votohen nga gjithë anëtarësia Sali Berisha dhe Lulzim Basha! Le të zgjedhë anëtarësia se kë dëshiron të ndjekë. Dilni në shesh të burrave e matuni!

Pas kësaj, të rifillojmë betejën me armikun e vërtete!

Kush fiton, të na prijë. Kush humbet, le të krijojë fraksionin e tij në PD e të presë deri sa të fitojë besimin e shumicës! Vetëm kështu do të mbetemi bashkë të gjithë.

Demokratët e bashkuar dhe fitorja e PD-së janë të vetmet dëshira e qëllime të demokratëve të thjeshtë, që e duan dhe kanë lidhur jetën me PD!

Rrugët e tjera, e për më tepër hilet dhe truket për të mos u ballafaquar me realitetin që zgjasin agoninë dhe përçajnë edhe më shumë demokratët i shërbejnë vetëm shkatërrimit të PD-së, i shërbejnë Ramës!?-shkruan Paloka./CNA.al

Lajmet e fundit nga