LEXO PA REKLAMA!

SHKARKO APP

Kryebashkiaku i Mallakastrës merret i pandehur/ Reagon PD: Akt drejt pastrimit të politikës

1 Nëntor 2021, 16:09, Politikë CNA
Kryebashkiaku i Mallakastrës merret i pandehur/ Reagon PD: Akt drejt

Partia Demokratike ka reaguar pasi kryebashkiaku i Mallakastrës Ismail Qerimaj është marrë i pandehur nga GJKKO lidhur me akuzat për falsifikimin e formularit të dekriminalizmit.

Nëpërmjet sekretarit të përgjithshëm Gazment Bardhi, PD thekson se ky është një akt i mirëpritur drejt pastrimit të politikës.

“Marrja si i pandehur i uzurpuesit ilegjitim të Bashkisë së Mallakastrës është një akt i mirëpritur drejt pastrimit të politikës. Me kallëzimin tonë në SPAK, pasi treguam me dokumenta se mandati i tij ishte i paligjshëm, PD bëri vetëm detyrën ndaj qytetarëve. Ne i qendrojmë bindjes sonë se mund të ecim përpara drejt zhvillimit pa politikanë të korruptuar e të lidhur me krimin.

Të zgjedhurit në parlament, në qeveri dhe në bashki duhet të jenë shërbëtorë vetëm të interesave të qytetarëve. Edi Rama futi në politikë modelin e politikanit gangster, që rri në pushtet në aleancë me krimin.  Ky model duhet zhbërë përmes vetingut në politikë. Shqiptarët meritojnë të qeverisen nga politikanë me integritet.“/CNA.al

 

Lajmet e fundit nga