LEXO PA REKLAMA!

SHKARKO APP

“Që ambasada amerikane të tolerojë këtë sikur kërcet pak”/ Të verbrit i ngatërrojnë të dhënat me person tjetër

7 Tetor 2021, 19:14, Denoncim CNA
“Që ambasada amerikane të tolerojë këtë sikur

Emisioni ?Stop? ishte këtë të enjte 1 kilometër larg Fierit, në fshatin Mbyet, pasi familja Hebeja ka një problem. Bledi Hebeja tregoi se është i verbër prej 30 vitesh dhe trajtohet me KEMP.

Por prej 8 muajsh nuk merr pagesën, pasi e ka bllokuar shërbimi social. I gjithë gabimi ka ardhur në vitin 2009, kur është paraqitur në zyrën e Gjendjes Civile dhe operatori i ?Aleat?-it i ka dhënë të dhënat e një personi tjetër, që ka të njëjtin emër dhe mbiemër, pak a shumë një moshë dhe është nga fshati Hamilaj.

?Më kanë nxjerrë probleme me dokumentet e identitetit. Në Gjendjen Civile jam në rregull, por diku është përzier karta ime me kodin e kartës së dikujt tjetër. Unë jam 42 vjeç. Afërsisht edhe ai, nuk e di me saktësi?.

Por Bledi i dytë jeton në Amerikë, prej më shumë se 30 vitesh.

?30 vitet e fundit kam jetuar këtu. Ai jeton në Amerikë. Më ka pyetur policia kur u bë në vitin 2009, kaq. Kur mora kartën pastaj. Nuk e di kush e ka ngatërruar kartën. Më kanë ndërprerë pensionin derisa të sqarohet?.

?Që institucionet shqiptare bëjnë gabime ky nuk është lajm i ri për ne sepse i kemi trajtuar me dhjetëra herë. Por që ambasada amerikane të tolerojë këtë pasaktësi më duket sikur kërcet pak?, tha gazetarja e ?Stop?.

Hebeja shprehet se adashi i tij nuk ia ka shfrytëzuar identitetin për të shkuar në Amerikë, pasi këtë ia ka konfirmuar policia.

Flamur Behari, përgjegjësi i Gjendjes Civile Portëz, tha se gabimi i operatorit që ka hedhur të dhënat gabim ka shkuar në prokurori.

?Operatori kur i ka lexuar të dhënat, kujdestari që ka qenë me të ka pranuar të dhënat që ka lexuar operatori. Ky problem doli në 2019. Pse ka ndodhur ngatërresa? Njëri është Bledi, njëri Bledar, kanë edhe të njëjtën ditëlindjen. Ky person i verbër ka marrë të dhënat e këtij. I janë dhënë. Kushdo që ia dha, ia dha të dhënat e tij. Drejtoria kërkoi sqarimin. Çështja duhej të shkonte patjetër në prokurori. Çështja ka mbetur në prokurori?, tha Behari./tvklan.al

Lajmet e fundit nga