Shifrat/ Pandemia e Covid-19 këtë javë, pësoi ngadalësim në të gjithë botën!

25 Shtator 2021, 14:10, Lifestyle CNA

Nga Blerta Brati

Duhet patur parasysh se një tregues i rëndësishëm, eshte numri i rasteve të diagnostikuara , i cili pasqyron vetëm një pjesë të numrit aktual të infeksioneve dhe krahasimet midis vendeve duhet të merren me kujdes, pasi politikat e testimit ndryshojnë nga njëri vend në tjetrin.

Ja disa te dhena/ shifra sipas raportit te AFP-se!

Me 510,000 kontaminime të regjistruara çdo ditë në botë këtë javë, treguesi ka rënë ndjeshëm (-8% në krahasim me javën e kaluar).

Këtë javë, shumica e rajoneve të botës po shohin përmirësimin e situatës së tyre: -32% në Afrikë, -25% në zonën e Shteteve të Bashkuara / Kanadasë, -21% në Lindjen e Mesme, -7% në Azi dhe -2% në Oqeani , ku gjithsesi virusi nuk qarkullon shumë.

Singapori është vendi ku epidemia po përshpejtohet më së shumti (+ 129%, 1,300 raste të reja në ditë), në mesin e atyre që kanë regjistruar të paktën 1.000 infeksione ditore gjatë javës së kaluar. Vijojnë Rumania (+ 75%, 5,400), Ukraina (+ 58%, 5,600), Siria (+ 23%, 1,900) dhe Turqia (+ 23%, 31,200).

Anasjelltas, është Botsvana (-51%, 600 raste të reja në ditë) ajo që regjistroi rënien më të madhe këtë javë, përpara Japonisë (-50%, 3,900), Sri Lanka (-43%, 1,700), Afrikës së Jugut (-39 %, 2,700) dhe Azerbajxhani (-38%, 1,500).

Shtetet e Bashkuara mbeten deri tani vendi me numrin më të madh të infeksioneve të reja në terma absolutë këtë javë (126,000 raste të përditshme, -26%), përpara Mbretërisë së Bashkuar (32,400, + 10%) dhe Turqisë (31,200, + 23%) )

Në proporcion me popullsinë, pa mikro-shtetet, vendi me më së shumti raste të reja këtë javë është Serbia (653 për 100,000 banorë), përpara Mongolisë (630) dhe Kubës (496).

Shtetet e Bashkuara kanë numrin më të lartë të vdekjeve ditore, 2,041 në ditë këtë javë, përpara Rusisë (801), e cila të Premten njoftoi një shifër rekord prej 828 personash që vdiqën nga Covid në 24 orë, dhe Meksikës (542).

Globalisht, vdekjet ditore kanë rënë (8,384 në ditë, -9%).

Kuba ende vaksinon me shpejtësi të plotë –

Vendet që vaksinojnë më shpejt këtë javë janë kryesisht në Amerikën Latine, Azi dhe Oqeani.

Me vaksinat e veta me tre doza, Kuba ka shkallën më të shpejtë midis vendeve me më shumë se një milion njerëz, duke administruar doza në 2.69% të popullsisë së saj çdo ditë. Baret dhe restorantet e vendit, të mbyllura që nga janari, po rihapen gradualisht nga e Premtja në pjesën më të madhe të vendit, përfshirë Havanën.

Kamboxhia (1.46%) dhe Irani (1.36%) plotësojnë tre vendet e para.

Emiratet e Bashkuara Arabe mbetet vendi me fushatën më të avancuar të vaksinimit, me 199 doza të administruara për 100 banorë, përpara Uruguajit (176) dhe Izraelit (171).

Ky tregues mund të kalojë 100 doza për 100 banorë pasi shumica e vaksinave në qarkullim kërkojnë dy doza për të qenë plotësisht efektive.