web counter
LEXO PA REKLAMA!

SHKARKO APP

App Store
Google Play

E fundit!

x

Hapja e shkollave/ Tomini: Mund të ketë rritje të rasteve me Covid-19

22 Shtator 2021, 18:03, Aktualitet CNA

Zëvendësministrja e Shëndetësisë, Eugena Tomini, ka deklaruar se hapja e shkollave mund të sjellë edhe rritjen e rasteve të reja me Covid-19 në vend.

Për Abc news, Tomini tha se është e pritshme që rifillimi i mësimit dhe grumbullimi i nxënësve do të sjellë tendencë rritëse të rasteve me Covid-19.

?Ky fakt e lehtëson më shumë se zinxhiri i transmetimit midis mësuesve që janë të detyruar të vaksinohen, mbetet hallka e nxënësve. Disa hallka pavarësisht rritjes së pozitivitetit kemi përballje qoftë për shtrimet, por edhe strukturat spitalore. Të gjitha gjasat janë që mund të kemi një trend më të rritur me grumbullimet. Por gjithçka është dinamike, do të vlerësohet hap pas hapi duke zbatuar protokollet. Vjeshtë-dimër do të ketë tendecë rritje?, është shprehur shpreh ajo.

Përsa u përket arsimtarë që janë në kategorinë e vaksinimit të detyruar, Tomini tha se me hapjen e shkollave ata duhet të tregojnë edhe certifikatën që vërteton se kanë marrë vaksinën.

?Detyrimi ligjor ose urdhri për të paraqitur certifikatën bazohet në ligjin për sëmundjet infektive. Por sa sa i përket urdhrit të mësuesve del në vijim që data 27 përkon me fillimin e mësimit, përkon edhe me ligjërimin e një detyrimi të tillë për të paraqitur certifikatën. Tek individët që e kanë kaluar aplikimi i një vaksine nxit një mbrojtje më të fortë?, tha ajo.

Tomini shtoi më tej se në rast të agravimit të situatës janë në gatishmëri për të rihapur spitalet e tjera Covid.

?Janë duke u monitoruar të gjithë indikatorët duke vlerësuar faktin e një disporporcioni mes rasteve që shtrohen në spital deh rasteve të reja ditore. Plani për një rritje të mëtejshme, kapacitetet spitalore janë të plota. Spitali COVID 4 është në gatishmëri?, thotë Tomini./ CNA.al





Lajmet e fundit nga