web counter
LEXO PA REKLAMA!

SHKARKO APP

App Store
Google Play

Zbulohet se kush ia shkruajti fjalimin Çuçit/ Si u përdor Ministri i turpit

29 Qershor 2021, 12:08, Politikë CNA

Ministri i Brendshëm Bledi Çuçi një ditë më parë doli në media, duke thënë se nuk mban asnjë përgjegjësi për krimet që kanë pushtuar vendin.

Përgjakja e plazheve dhe rrugëve, masakra me tetë të vdekur, vetëm në ditë, nuk i bënin përshtypje Ministrit të Brendshëm, i cili në vend që të jepte dorëheqjen, regjistroi skandalin e radhës në emër të tij dhe Qeverisë ku bën pjesë.

Pas fjalimit të turpshëm, dje para mediave, Çuçi u ?kryqëzua? nga qytetarët  për  mungesë përgjegjësie, për paaftësi dhe për dështim.

Sot ka dalë Kryeministri Edi Rama, i cili e ka marrë në mbrojtje Çuçin, duke treguar kështu, se ai qëndron ai pas fjalimit të tij.

Pra, dje kemi parë një Çuç në versionin e Ramës, që i vuri në gojë fjalët e tij dhe poshtëroi në tërë opinionin publik.

Sigurisht që Rama do të mbrojë Çuçin se do të justifikojë  veten, se do të mbrojë fjalimin e tij.

Sot, Kryeministri përsëriti ato çfarë i kishte mësuar Çuçit, të cilin e hodhi në publik për ta përdorur dhe për të matur pulsin e opinionit qytetarë.

Rama sulmoi gjyqtarët dhe prokurorët, pasi Çuçi siç duket nuk e kishte  bërë mirë dje.

Dhe për më tepër kryeministri mori edhe rolin e kryeredaktorit, duke iu sugjeruar mediave të demaskojnë gjykatësit, ndërkohë që çatia i kullon te Policia dhe drejtuesit e saj./CNA.al





Lajmet e fundit nga