web counter
LEXO PA REKLAMA!

SHKARKO APP

App Store
Google Play

"Pushteti absolut prodhon kriminalitet dhe korrupsion”/ Arben Malaj “godet” Qeverinë

29 Qershor 2021, 07:05, Politikë CNA

Ish-Ministri socialist Arben Malaj ka komentuar ngjarjet e fundit kriminale, masakrën e Velipojës dhe masakrën e aksidentit, ku u regjistruan tetë viktima.

Sipas Malajt, pushteti absolut, prodhon kriminalitet.

?Nuk ka fjalë ngushëllimi për fatkeqësinë e Fierit dhe të Velipojës.

Në rastin e Fierit konstatohet se qytetarët e thjeshtë që i përdorin makinat për mbijetesë apo pushime modeste gjobiten kudo dhe nga çdo autoritet policie bile në një garë midis tyre kush gjobit më shumë.

Të fortët që kërcënojnë jetën e të pafajshmve janë të frikshëm për policët e thjeshtë sepse kanë pushtetin korruptues të parave dhe lidhjeve politik?, shkruan Malaj në rrjete sociale.

Ndërsa, sipas tij rasti i Velipojës dhe i gjithë vijës bregdetare është alarmant.

?Sepse një vend që zoti i ka falë qindra km bregdet ka shumë pak hapësira publike për pushuesit ditorë çka nxit tensione por edhe zhgënjim e dëshpërim public.

Ndryshe nga çdo vend tjetër menaxhimin e hapësirave dhe lejeve në territore e bën pushteti vendor.

Krijimi i agjensive kombëtare që ju marrin kompetencat pushtetit vendor edhe për qëllime korruptive është lakmusi që vërteton modelin e dështuar qeverisës.

Dhënia e lejeve çdo vit dhe mundësisht sa më vonë, krijon premise korruptive dhe ushqen deri krime vrastare.

Reduktimi i decentralizimit dhe autonomisë financiare të pushtetit vendor por edhe të shumë institucioneve, agjensive është tipari lehtësisht i kuptueshëm i modelit qeverisës që vuan nga semundja e pushtetit absolut që korrupton në mënyre absolute.  që kërcen kohezionin social dhe demokracinë funksionale; që varfëron akoma më shumë dhe ushqen rritjen e kriminalitetit?, argumenton më tej Malaj.

Sipas të njëjtit, pa eleminuar modelin e pushteteve absolute, pa i dhënë fund kulturës së pa ndërshkueshmërisë, e ardhmja nuk mund të jetë më mirë se e tashmja dëshpëruese dhe varfëruese në ndjesitë dhe përgjegjësitë sociale./CNA.al

 





Lajmet e fundit nga