web counter
LEXO PA REKLAMA!

SHKARKO APP

App Store
Google Play

E fundit!

x

Çuçi u shmanget përgjegjësive për ngjarjet kriminale/ Noka: Policia ka degraduar, është në kthetrat e krimit

28 Qershor 2021, 17:00, Politikë CNA

Deputeti i zgjedhur i Partisë Demokratike Flamur Noka ka vënë ?me shpatulla pas murit? ministrin e Brendshëm Blendi Çuçi, i cili ditën e sotme iu shmang përgjegjësive ligjore sa u takon ngjarjeve kriminale që po trondisin vendin.

Përmes një postimi, Noka shprehet se minimalisht ministri duhet të merrte përsipër përgjegjësi morale, ndërsa shton se policia ka degraduar pasi është nën kthetrat e krimit.

Sipas tij, shqiptarët po përjetojnë çdo ditë e më shumë pasojat e kapjes së shtetit nga krimi.

?Shqiptarët nuk i besojnë më Policisë së Shtetit dhe as institucioneve të shtetit. Në çdo vend ku qytetarët marrin armët për të zgjidhur konfliktet, tregon se shteti ka marrë fund.

Ministri mund të mos ketë përgjegjësi ligjore, por përgjegjësi morale kanë të gjithë, duke vazhduar që tek inspektori i zonës deri tek kryeministri.

Këto ngjarje tregojnë mos-funksionimin e shtetit, në rastin më të mirë. Për të mos thënë, se shteti i la që të vriteshin, sepse shteti nuk ka ndarë parcelat etj. Kemi polici të degraduar totalisht, sepse është e gjitha në kthetrat e krimit.

Sot kemi shtet të kapur nga krimi. E kemi thënë që më 2013, se inkriminimi nisi që atëherë, me inkriminimin e Kuvendit dhe me kanabizimin e Shqipërisë. Pasojat e kapjes së shtetit janë këto, që shqiptarët po përjetojnë në kurriz?, tha Noka./CNA.al





Lajmet e fundit nga