E fundit!

12:20 Aktualitet

EKSKLUZIVE/ Ja kandidatët për postin e nëndrejtorit në Policinë e Shtetit

CNA ka zbuluar ekskluzivisht se cilët do të jenë kandidatë...

Rrëzimi i Ramës/ Vetëm po kaluat mbi trupin e Lulit

20 Qershor 2021, 09:09, Politikë CNA

?Vetëm po kaluat mbi trupin tim?. Ky është slogani i kreut të PD-së Lulzim Basha, sa herë që ngrihet një kauzë nga qytetarët apo sa herë demokratët kanë ndërmarrë ndonjë aksion kundër Qeverisë.

Nuk janë të pakta rastet që Basha ka kërcënuar, duke përdorur trupin e tij si mburojë.

Por në të gjitha rastet ka gënjyer demokratët dhe mbështetësit e tij. Njësoj siç bëri pas zgjedhjeve të 25 Prillit, ku pasi humbi dhe e la PD dhe katër vite të tjera në Opozitë, në vend që të pranonte humbjen doli dhe foli për fitore.

Në fakt, Basha ka fituar, nëse kemi parasysh sloganin e tij të fanshëm, ?vetëm po kaluat mbi trupin tim?.

Edi Rama, fitoi sërish, edhe katër vite të tjera në pushtet. Pra, ia siguroi edhe katër vite të tjera mandate, duke lënë në mes të katër rrugës demokratët.

Sipas tezës së Bashës, Edi Rama rrëzohet, vetëm nëse kalohet mbi trupin e tij. Kjo gjë nuk ka ndodhur dhe kjo i jep të drejtë të vetshpallet fitues.

Rama nuk rrëzohet pa kaluar mbi trupin e Lulit dhe me rizgjedhjen e tij në krye të PD, kjo tezë është përforcuar edhe më tej.

?Vetëm po kaluat mbi trupin tim? teza mashtruese e Bashës

Kujtojmë se në vitin 2017, Lulzim Basha shprehej se nuk do të lejonte emërimin e Fatmir Xhafës si Ministër i Brendshëm.

?Ai nuk do të hyjë në zyrë dhe nuk do të bëhet kurrë ministër, veçse nëse kalon mbi trupat tanë?, është shprehur në atë kohë Lulzim Basha.

Por, Fatmir Xhafa një ditë më pas kësaj deklarate shkoi në zyrë, u bë ministër i Brendshëm, dhe më pas u largua me marrëveshjen e 18 majit, në kohën kur ministria e Brendshme u drejtua më pas nga kolonel Dritan Demiraj, i rekomanduar në bazë të marrëveshjes nga Partia Demokratike.

Të njëjtën tezë, Lulzim Basha e përdorur në vitin 2019, kur zhvillohej proestat e banorëve të Astirit.

Ai nënshkroi një marrëveshje me banorët e Astirit dhe ju premtoi se shtëpitë e tyre nuk do të prekeshin. Nëpërmjet Klevis Balliut përsëristi, frazën? vetëm po kaluan mbi trupat tanë?.

E njëjta histori u përsërit në vitin 2020, kur protestohet për Teatrin. Basha nënshkroi një marrëveshje të njëjtë si me banorët e Astirit edhe me mbrojtësit e Teatrit Kombëtar.

?Teatri do të shembet vetëm nëse kalojnë mbi trupat tanë?, shprehej Basha.

Por më pas i braktisi protestuesit dhe Teatri u shemb.

Më tej, Parlamenti miratoi ligjin për të dhënë me Partneritet Publik Privat ndërtimin e Teatrit të ri, një pjesë të truallit shtetëror si një koncesion midis një subjekti privat, firmës Fusha dhe qeverisë shqiptare.

Dhe Basha nuk u dëgjua më, për asnjërën nga çështjet, ku kishte ofruar trupin.

Ndërsa për tre çështjet e mësipërme ka mashtruar, Luli për një gjë e ka mbajtur fjalën, Ramën nuk lejoi ta rrëzonin nga pushteti./CNA.al