LEXO PA REKLAMA!

SHKARKO APP

Qytetarët ironizojnë Ramën/ “Faleminderit, Edvin që ke ndërtuar lumenj dhe fusha”

20 Qershor 2021, 07:30, Politikë CNA
Qytetarët ironizojnë Ramën/ “Faleminderit, Edvin që ke

Kryeministri Edi Rama e ka bërë ritual që çdo mëngjes të postojë në rrjete sociale foto dhe video nga natyra e vendin.

Kështu ka bërë edhe mëngjesin, sotëm, ku ka postuar një foto, ku duket grykëderdhja e  lumit Shkumbin në Bashtovë.

?Mirëmëngjes, me këtë panoramë nga grykëderdhja e lumit Shkumbin në Bashtovë?, shkruan Rama në rrjetet sociale.

Reagimi i qytetarëve ka qenë i menjëhershëm.

Edhe pse janë të pakta reagimet që kanë shpëtuar pa u fshirë nga rrjeti i tij sociale, zemërimi, ironia e qytetarëve vërehet qartë.

Duke filluar që nga kërkesa për rend dhe siguri deri tek thumbimi se si Kryeministri e shfrytëzon natyrën sikur ta kishte krijuar ai.

Vrasjet në vend, që kanë qenë të shumta kohëve të fundit, janë një fenomen tejet shqetësues për qytetarët.

Ngjarja kriminale më e fundit ka ndodhur mëngjesin e sotëm në Sarandë, në orën 03.50 minuta, ku është regjistruar një atentat kundrejt një biznesmeni.

Nga kjo ngjarje ka mbetur i plagosur dhe një turist, ndaj qytetarët i kërkojnë të marrë masa për rendin dhe sigurinë.

?Bëj dicka më shumë për sigurimin e rendit se po plagosen turistët?,  i shkruan një qytetarë.

Reagimet e tjera të cilat kanë shpëtuar pa u fshirë, nga rrjeti social i kryeministrit, janë një ironi e gjallë dhe therëse, që ia ?zënë mëngjesin në fyt? Ramës.

?Kjo është dora e natyrës, po të nis unë një foto nga lagjja ime do të mrekulloheni?Faleminderit, Edvin ty dhe Qeverisë që keni ndërtuar lumenj dhe fusha përgjatë këtyre tre mandateve?.Ja vure syrin Skënderbe, do e bësh beton atë vend?, ironizojnë qytetarët./CNA.al

Lajmet e fundit nga