LEXO PA REKLAMA!

SHKARKO APP

E fundit!

x

Arben Kraja “prangosi” të vdekurit/ SPAK mbron aferat korruptive qeveritare?

13 Maj 2021, 08:11, Kronika CNA
Arben Kraja “prangosi” të vdekurit/ SPAK mbron aferat

Institucioni që pretendohej se do bënte drejtësi për shqiptarët, që do të hetonte korrusionin e këtyre 30 viteve, duket se është kthyer në ?avokat? të korrupsionit politik.

Është fjala për Strukturën e Posaçme Antikorrupsion, institucion ky i mbështetur hap pas hapi nga Ambasada Amerikane.

Por, që nga krijimi dhe deri më tani, nuk është se ka pasur rezultatet nga ato që priteshin.

Më shumë rezultate ka pasur Prokuroria për Krime të Rënda, që i shtriu hetimet deri në Qeveri se sa SPAK, që ka mbështetje të gjithanshme në çdo aspekt.

Arben Kraja i cili drejton këtë institucion, ka dështuar dhe jo se e themi ne, por se e thonë rezultatet.

Para se të merrte këtë detyrë ai fliste për dështime të Prokurorisë, por në krye të SPAK-ut, s?bëri gjë tjetër veçse mbajti të njëjtën linjë dështimesh.

?Kemi dështuar në ndëshkimin e korrupsionit në nivel të lartë ose krimit të organizuar. Situata është shqetësuese. Nga pamja ligjore jemi të mbrojtur, duhet zbatimi korrekt i ligjit në praktikë. Pavarësia e prokurorëve do të garantojë suksesin e këtij institucioni?,  shprehej Kraja në Këshillin e Lartë të Prokurorisë, në kohën që kandididonte për prokuror të SPAK-ut.

Po çfarë ka bërë ai pasi u bë pjesë e kësaj strukture? Cilën aferë korruptive qeveritare ka hetuar?

Deri më tani asnjë qeveritarë, pra ai dhe prokurorët e tij, nuk kanë bërë as atë që bënë Krimet e Rënda, dikur.

Që nga krijimi e deri më tani, SPAK mbahet mend për hetimet ndaj të vdekurve apo për hetime që dyshohen se janë me motive politike, siç është rasti i gjyqtares Mimoza Margjekaj.

Arben Kraja mund t?i mohojë, por realiteti njihet dhe shihet nga çdo shqiptar.

Mediat pothuajse çdo ditë raportojnë për korrupsion qeveritar, për përfshirjen në vepra penale të zyrtarëve të lartë, por SPAK-u hesht.

Hetimet bëhen nga gazetarët dhe mediat dhe SPAK-u që paguhet me taksat e qytetarëve aq sa nuk e meriton, hesht.

Hesht Arben Kraja që e firmosi formimin e SPAK-ut me hetimin e të vdekurve, duke u bërë kështu objekt talljeje në mbarë opinionin publik.

Kujtojmë se SPAK trumbetoi, se ka hetuar krimet zgjedhore të vitit 2017, për dosjen e famshme 339.

Objekt hetimi ishin edhe dy komisionerë të ndjerë, Kasëm Lala dhe Besim Bregu.

Për të dy këta komisionerë SPAK, kishte lëshuar urdhër arresti, me pretendimin se lejuan votimin e personave të tjerë në emër të emigrantëve shqiptarë që jetojnë jashtë vendit.

Por, dy komisionerët në fjalë kishin ndërruar jetë dy vite më parë. Kasëm Lala, komisioner i PS dhe Besim Bregu, komisioner i PD iu shërbyen partive të tyre, në zgjedhjet parlamentare të 2017-ës, në Durrës.

Mirë do të ishte që SPAK të hetonte të gjallët, ata që kanë kryer vepra penale që janë në kompetencë të tyre apo të hidhte sytë nga korrupsioni qeveritarë.

Por, dyshohet se Kraja dhe të tijtë, janë vënë në shërbim të politikës, duke shuar kështu çdo shpresë për drejtësi dhe duke fuqizuar krimin e organizuar qeveritar e shtetëror dhe duke sulmuar të dobëtit, siç ka bërë historikisht drejtësia në Shqipëri./CNA.al

Lajmet e fundit nga