web counter
LEXO PA REKLAMA!

SHKARKO APP

App Store
Google Play

E fundit!

x

Ilir Beqaj: Synojmë 4 mandate në Shkodër, përmbytjet nga ngrohja globale

2 Mars 2021, 18:57, Politikë CNA

Partia Socialiste në Qarkun e Shkodrës synon të ruajë rezultatin e vitit 2017 në zgjedhjet e 25 prillit. Drejtuesi politik i PS në Shkodër, Ilir Beqaj thotë se marrja e katër mandateve do të realizohet nëse arrijnë të bindin mbështetësit që të dalin të votojnë.

Indirekt z. Beqaj la të kuptohej se pikërisht stepja e mbështetësve të PS për të dalë në votim është sfida kryesore e partisë që qeveris vendin prej vitit 2013.

?Aktorët politikë në Shkodër këtë herë janë më të shumtë. Ne aleancën e kemi me njerëzit. Nëse arrijmë të nxjerrim në votim mbështetësit tanë, besoj se do të kemi një rezultat pozitiv që janë 4 mandate për PS në qarkun e Shkodrës?, tha z. Beqaj në një intervistë për Euronews Albania.

Deputeti i PS pranoi se situata në Shkodër nuk është optimale për fushatë jo vetëm për shkak të pandemisë por edhe nga përmbytja tha se sërish votuesit do të mund ta bëjnë dallimin nga përmbytjet e kaluara.

?Nuk kemi pasur as fatalitet dhe as humbje të gjësë së gjallë. Shtëpitë janë të rrethuara nga uji, por përmbytja nuk është shkarkuar nga hapja e kaskadave por janë reshjet e dendura shkaktar. Kjo situatë na ka nxjerr mësime se çfarë duhet bërë, por zgjidhjen përfundimtare nuk ka dhe nuk di ta them?, tha ai duke renditur si shkak dhe ngrohjen globale.

Ashtu siç drejtuesi politik i PS e theksoi, në  Qarkun e Shkodrës këtë herë është shtuar një element i ri. Jozefina Topalli, një prej figurave të rëndësishme të PD për shumë vite, këtë herë garon me partinë e saj të re ?Lëvizja për Ndryshim?.

Përveç znj. Topalli që synon të rikthehet në Parlament pas një mungese 4-vjeccare pasi në zgjedhjet e vitit 2017 nuk u kandidua nga PD, një tjetër forcë politike që synon mandat përveç PS, PD dhe LSI është partia e Tom Doshit.

Doshi edhe pse u kthye në qendër të kritikave nga ambasadorja amerikane në Tiranë që të mos lejohej të kandidonte për deputet, ai do të shkojë në zgjedhje si kryetar i Partisë Socialdemokrate që për tri dekada është drejtuar nga Skënder Gjinushi./euronews





Lajmet e fundit nga