web counter
LEXO PA REKLAMA!

SHKARKO APP

App Store
Google Play

E fundit!

x

Historia e pabesueshme e të mbijetuarve nga aksidenti ajror në Ande

9 Dhjetor 2020, 08:33, Blog CNA

12 tetor 1972, një avion i tipit Fokker F27, i drejtuar nga pilotët e Forcës Ajrore Uruguajane ngrihet nga Montevideo. Në bord ndodhen pjesëtarët e njërit prej ekipeve më të njohura të regjimit në vend, Klubi i Vjetër i të Krishterëve.

Për atletët e rinj, ai ishte një udhëtim sportiv dhe emocionues jashtë vendit. Do të shkonin në Santiago të Kilit, për një ndeshje miqësore me klubin kilian Grangonian. Por ata nuk do të arrinin kurrë në destinacionin e tyre. Të nesërmen, në orën 15:31 të pasdites, avioni përplaset në Ande.

Që në fillim të udhëtimit ndodhi një ngjarje e papritur. Kur mësuan për kushtet e pafavorshme të motit në Ande, dy pilotët, koloneli Hulio Ferradas dhe bashkë-piloti Dante Lagurara, kërkojnë dhe marrin autorizimin për një ulje e jashtëzakonshme në Mendoza, në perëndim të Argjentinës.

Por pasi zbritën aty ishin në dilemë?  Të vazhdonin udhëtimin? Të ktheheshin pas?

Qëndrimi i gjatë aty nuk është i mundur. Një avion i huaj nuk mund qëndrojë në territorin argjentinas më shumëse 24 orë. Gjithsesi, pasagjerët zbresin nga avioni dhe shkojnë në një hotel pranë aeroportit, dhe më pas argëtohen në qendër të Mendozës. Por në Ande rinisi moti i keq. Për të mos rrezikuar, pilotët vendosin të fluturojnë në lartësi të ulët, midis qafave të maleve. Modeli Fokker F27 nuk garantonte siguri të plotë kur fluturonte mbi male, disa prej të cilave janë mbi 6000 metra të lartë.

Por në një moment të caktuar, pilotët bëjnë disa gabime në përllogaritje. Duke menduar se për gjysmë ore do të zbrisnin në Santiago, ata nisin të ulin paksa kuotën e fluturimit. Por një turbulencë e papritur ajrore, shkaktoi një rënie të menjëhershme në një lartësi prej disa qindra metrash.
Në pak çaste, avioni gjendet në mesin e mjegullës, shumë afër shkëmbinjve. Përpjekja për të rikuperuar lartësi me fuqinë maksimale të motorëve nuk mjaftonte. Fokker përplaset në një shkëmb, humbet krahun e djathtë, bishtin dhe më pas krahun e majtë.

Avioni në fund përplaset mbi dëborë, pas rreth 2 kilometrash ecje, afër majës së vullkanit Tinguiririca. Nga përplasja vdiqën menjëherë12 njerëz. Të mbijetuarit e përplasjes u detyruan të përballen menjëherë me të ftohtin e tmerrshëm, në lartësinë rreth 4000 metra mbi nivelin e detit. Ata mendonin se dikush do të vinte ti shpëtonte. Por shpejt ra nata dhe makthi nisi të rritet. Pa rroba të ngrohta, ata nisin të djegin gjithçka gjetën në bagazhin e avionit. I ftohti natën ishte deri në -30 gradë. Disa prej udhëtarëve të mbijetuar,ishin ende në gjendje të rëndë, me thyerje gjymtyrësh, dëmtime të brendshme dhe temperaturë të lartë.

Një zonjë, Graciela Mariani, po pritej në Kili nga vajza e saj, që ishte gati të martohej. Ajo u paralizuar menjëherë nga përplasja, dhe vdekja e saj ishte një agoni e gjatë. Nando Parrado, një nga të mbijetuarit e asaj tragjedie, që do ta tregonte të gjithë historinë më vonë në librin e tij ?72 ditë?, humbi ndjenjat gjatë përplasjes, duke rënë në një gjendje kome. Natën e parë e kaloi në cepin më të ftohtë të aeroplanit, për t?u zgjuar pas 3 ditësh për habinë e gjithë të tjerëve. Ka shumë të ngjarë që ajri i ftohtë, siç tregon ai vetë në libër, e mbrojti atë nga rreziku i një edeme të mundshme. Të mbijetuarit nuk mundnin të përdorin instrumentet në bord për të komunikuar.

Ata mezi mund të dëgjonin radion, gjë që i ndihmonte të kuptonin se kërkimet po vazhdonin. Në ditët e para, të mbijetuarit arritën të ushqehen me furnizime të ndryshme, bukë të thekur, çokollate, reçel dhe shishe vere, ndërsa bënë një racionim të rreptë të ushqimit. Ata mblidhnin dëborë të pastër me fletë alumini dhe arrinin t`a shkrinin në diell. Secili luante rolin e vet, me shpresën se dikush herët a vonë, do t?i shpëtonte ata. Por më23 tetor, mësojnë lajmin e keq:lajmet në radio raportojnë se kërkimet ishin ndalur.

Të uritur, të rraskapitur dhe në dëshpërim të plotë, u lind në kokë ideja më e pa mendueshme, që ka të bëjë me tabunë më të madhe në historinë njerëzore:ngrënien e shokëve të vdekur. Sigurisht, nuk ishte një zgjedhje e lehtë apo e menjëhershme. Ata debatojnë gjatë mes tyre. Derisa, një mbrëmje, Roberto Kanesa merr vendimin fatal:ai është i pari nga të gjithë që ha një copë mish njeriu. Të mbijetuarit bëjnë 2 marrëveshje mes tyre. Së pari asnjë i mbijetuar nuk do të zbulonte emrat e viktimave të ngrëna, në rast se do të ndodhte shpëtimi, dhe së dyti, secili prej tyre që ishin ende gjallë të pranonte të njëjtin fat në rast se vdiste.

Mbrëmjen e 29 tetorit, një ortek godet trupin e avionit. Vdesin 8 njerëz. Mbetën vetëm 19 të mbijetuar. Më1 nëntor, ata vendosën të nisin një mision për të kërkuar ndihmë, i përbërë fillimisht nga 4 njerëzit që u vlerësuan si më të përshtatshëm. Pas një ecje gati 1-mujore, 3 nga të mbijetuarit ndeshin një bari vendas, që njoftoi pak orë më vonë policinë. Në fund, ata që i mbijetuan mrekullisht asaj tragjedie ishin 16./Përshtatur nga CNA.al

Burimi: https://www.vanillamagazine.it/1972-l-incredibile-storia-dei-sopravvissuti-delle-ande





Lajmet e fundit nga