web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Inceneratorët e koncesionit 128 milionë euro, reklama mediatike me taksat e shqiptarëve

7 Nëntor 2020, 12:35, Denoncim CNA

Prej pothuajse gjashtë muajsh CNA.al ka denoncuar një dosje të plotë investigative në lidhje me koncesionin e inceneratorëve në Shqipëri.
Akuza të pafundme janë hedhur jo vetëm nga mediat, por edhe nga opozita, në lidhje me një grup biznesmenësh dhe qeverinë shqiptare për përpunimin e mbetjeve, e cila fillon në Elbasan, shkon në Fier dhe përfundon në Tiranë.

CNA.al ka denoncuar me fakte dhe dokumente ekskluzive sesi zhvaten disa qindra milionë euro, ku ndërlidhen të njëjtët emra, të njëjtët personazhe, por me emra kompanish të ndryshme, të cilat fillojnë në Tiranë, përfundojnë në Maltë dhe në Hollandë. Personazhe me emra të ndryshuar, dhe me të kaluar të dyshimtë. Mirëpo jo të gjitha mediat kanë denoncuar këtë skandal pasi disa prej tyre janë vënë në shërbim të qeverisë dhe të kësaj afere korruptive.
Nga një vëzhgim i thjeshtë, vihet re se disa media, kanë në faqen e tyre videon me reklamën e inceneratorit të Tiranës.

Ka filluar propaganda për të treguar se cfarë bëjnë me paratë që u marrin shqiptarëve sepse Rama ua merr taksat qytetarëve dhe ua jep inceneratorëve.

Kush janë mediat në funksion të kësaj propagande:

Ballkanweb i cili po transmeton këtë video, faqja zyrtare e News 24, me pronar Iranf Hysenbelliun, shpeesh herë si njeriu që i shërben interesave klienteliste të qeverisë për bizneset e tij.

Më tej shfaqet Karlo Bolino, njeriu i kazantit mediatik të Edi Ramës. Shpesh herë opozita ka drejtuar gishtin ndaj tij edhe për çështje konkrete, për konceesione direkte me qeverinë dhe prona me qera 1 euro.

Më tej shkojmë tek Top Channel, media e madhe qeveritare. Propaganda e Ben Blushit nuk shfrenohet në këtë rast por shpërthen në ekstrem. Ben Blushi është vetë ortak më pronarët e inceneratorëve tek kompania EM Capital Group që ka blerë 51% të Lori Caffe. Gazeta Shqip është pjesë e Top Medias dhe është kjo gazetë që bën propagandën e inceneratorëve dhe të Ben Blushit në mënyrë të çmendur, ditë e natë,për ?lumturinë? dhe ?të mirat e mëdha? që do të kenë shqiptarwt nga këto inceneratorë.

 

Gazeta Mapo, dikur e Henri Çilit ndërsa tani në pronësi të njerëzve pranë PDIU të Shëptim Idrizit, që pretendon të ketë fytyrë opozitare.

Një tjetër media mbështetëse e kësaj afere korruptive është edhe gazeta Tema me pronar Mero Bazen. ?Tema? njihet si një media në mbështetje të qeverisë.

Sot të gjitha mediat duhet të ishin me një qendrim duke e denoncuar aferën e inceneratorëve. Nuk ka rëndësi pozicioni që ato kanë, pro apo kundër Edi Ramës, por duhet të ishin me një qendrim publik pro interesave të shqiptarëve, pro mbrojtes se taksave të tyre dhe kundër një koncesioni të tillë që është një aferë e pistë korruptive me kompani guackë të fshehura na Holandë.

Po të shohim më kujdes të dhënat, del qartë se mediat për një dorë lekësh kanë rënë pre e propagandës së inceneratorëve. Por sot ato duhet ishin bashkë më shumë se kurrë, të gjithë pa përjashtim, për të kundërshtuar këtë aferë të pistë që taksat e shqiptarëve, tashmë kjo kompani i përdor si propagandë dhe paguan mediat që t?iu rregullojnë imazhin.

Kujtojmë se në Tiranë, ku projekti i firmosur është 128 milionë euro, nuk ka inceneratorë, por firma fituese e cila merr miliona nga taksat e qytetarëve shqiptarë, midis kodrave të Sharrës shtron një mbulesë dhe pastaj shtyn me eskavator një shtresë dhe që mbulon mbetjet, pra plehrat e kryeqytetit.
Malet me plehra janë marrë e janë mbuluar poshtë me dhe, janë kapsuluar, ndërsa inceneratorë nuk ka megjithëse janë paguar disa dhjetëra miliona euro./CNA.al





Lajmet e fundit nga