Video-Skandali në zonën e ish-Bllokut/ Irfan Hysebenlliu i bllokon pallatit dritaret

5 Nëntor 2020, 12:46, Denoncim CNA

Një skandal ka plasur në zonën e ish-Bllokut, ku i përfshirë është sipërmarrësi Irfan Hysebenlliu dhe vëllai i tij Bardhyl Hysenbelliu.

Pranë redaksisë së CNA.al ka mbërritur një denoncim i një qytetareje, e cila shprehet e revoltuar se me ndërtimin që po bën vëllai dhe mbështetet nga Irfan Hysebenlliu po i bllokohet e gjithë pamja nga dritarja.

Denoncuesja u shpreh se punimet për këtë ndërtim kanë nisur që në muajin korrik të vitit të kaluar, duke shtuar se ka bërë disa tentativa për ta bllokuar.

Gjatë kësaj kohe, ajo ka kontaktuar me kryeministrin Edi Rama dhe pas kësaj punimet u ndërprenë. Dy muaj më pas, denoncuesja shprehet se Hysebenlliu nisi sërish punimet, por pasi kontaktoi me Policinë Bashkiake, Policinë e Shtetit por edhe me deputetin e zonës Pandeli Majko, punimet sërish u ndërprenë, duke marrë garanci se nuk do të ndërtohej asnjë objekt.

Zonja që kontakoi me redaksinë, u shpreh pjesa që ka zaptuar Irfani ka qenë lulishte përpara pallatit. Ajo kërkon hetimet se si ka arritur sipërmarrësi Hysebenlliu që të marrë lejen e ndërtimit dhe të pajiset me dokumente pronësie.

Denoncuesja shprehet më tej se pas 2 muajsh bllokim, punimet kanë rinisur dhe ajo kërkon ndalimin e kësaj masakre.

?Vjet në muajin korrik filluan për të nisur punimet dhe ne i shkruam Edi Ramës dhe ata i çmontuan. Para dy muajsh prap e njëjta gjë ndodhi , unë i shkruajta Erion Veliajt në ëhats up pastaj mora Policinë Bashkiake. Ata në sekondë erdhën dhe më thanë zonjë rri e qetë nuk do të bëhet asnjë gjë. Para 3 javësh filluan të montonin profilet e hekurit, unë përsëri të njëjtën gjë bëra dhe erdhën e pezulluan. Unë kam kontaktuar me policinë e rendeit e me të gjithë me rradhë. I shkrojta deputetit të zonës, Pandeli Majkos. Tani shoh që ato po i montojnë. Mua as ëm kanë pyetur, por të vish ta fotografosh nga dritarja e shtëpisë sime që mua po më bllokohet pamja, nuk shikoj më asnjë gjë nga poshtë. Unë banoj në katë të dytë, por si pallat është me arkitekturë me kollona dhe përfitoj ky Irfani që kjo ka qenë tokë me pronarë.

Tani duhet të gjendet origjina e pronës si ndërtoj ky sepse këtu përpara pallatit ishte lulishte, ishte një pallat unikal në Tiranë dhe ky e zuri pjesën e lulishtes dhe e ndërtoj një kat. Pastaj filloj të ndërtonte edhe katin e dytë, duke pasur banorë në katin e parë, poshtë meje. Ai i katit të parë u detyrua të shiste shtëpinë dhe e mori katin e parë e bëri zyra, tani po monton hekurat dhe më vjen mua deri lart. IKMT erdhi para dy muajsh dhe më tha që nuk do të bëhet asnjë gjë, por shoh që ato kanë marrë leje nga IKMT. U bllokuan 2 muaj dhe tani filluan prap, ku di unë kush është ky Irfani, ky qenka zot që i binden të gjithë?, u shpreh denoncuesja për redaksinë e CNA.al.