E fundit!

08:41 Aktualitet

Zvarrit pafundësisht proceset gjyqësore/ Sot, seanca e radhës e Veliajt në GJKKO

Sot do të mbahet seanca e radhës në Gjykatën e Posaçme kun...

“Më shumë transparencë për legjislacionin e BE”/ Progres raporti i KE: Të ruhet pavarësia e organeve rregullatore

6 Tetor 2020, 19:23, Aktualitet CNA

Komisioni Europian publikoi sot gjetjet e progres raportit të vitit 2020 për Ballkanin Perëndimor dhe Shqipërinë.

Në raport thuhet se Shqipëria ka vazhduar ta përafrojë legjislacionin e saj me kërkesat e BE-së në një numër fushash, duke rritur aftësinë për të marrë përsipër detyrimet e anëtarësimit.

KE kërkon që Shqipëria të vazhdojë përpjekjet e saj në lidhje me përgatitjet e përgjithshme për miratimin dhe zbatimin e legjislacionit të BE-së.

Gjithashtu në raport kërkohet të zhvillohen rrjetet e transportit dhe energjisë, të ruhet pavarësia e organeve rregullatore të ngarkuara me zbatimin e legjislacionit të BE-së, të rritet transparenca dhe llogaridhënia.

?Vendi është mesatarisht i përgatitur në shumë fusha, të tilla si kontrolli financiar, arsimi dhe kultura, si dhe statistikat, apo ka njëfarë niveli përgatitjeje, përfshirë në fushat e prokurimit publik, politikës sociale dhe punësimit dhe rrjeteve transevropiane. Shqipëria do të duhet t?i vazhdojë përpjekjet e saj në lidhje me përgatitjet e përgjithshme për miratimin dhe zbatimin e legjislacionit të BE-së.

Miratimi i një politike gjithëpërfshirëse të Kontrollit të Brendshëm Financiar Publik dhe koordinimi i zbatimit të saj me reformën në vazhdim të administratës publike dhe menaxhimit të financave publike mbetet thelbësore drejt një sistemi funksional të kontrollit të brendshëm në sektorin publik. Shqipëria duhet të vazhdojë punën për zhvillimin e rrjeteve të transportit dhe energjisë, si dhe masat përkatëse të reformës së ndërlidhshmërisë, edhe me synimin për ta përmirësuar ndërlidhshmërinë në të gjithë rajonin. Shqipëria duhet të finalizojë miratimin e legjislacionit dytësor për zbatimin e reformës së punësimit dhe të forcojë koordinimin ndërinstitucional për masat që prekin grupet më të rrezikuara.

Kapaciteti administrativ dhe standardet profesionale të organeve të ngarkuara me zbatimin e legjislacionit të BE-së duhet të forcohen, si dhe të ruhet pavarësia e organeve rregullatore. Rritja e transparencës dhe llogaridhënies, në veçanti sigurimi i funksionimit efektiv, efikas dhe transparent të sistemit të prokurimit publik dhe menaxhimit të financave publike, mbetet thelbësore. Shqipëria ka vazhduar të përafrohet plotësisht me të gjitha pozicionet dhe deklaratat e Politikës së Përbashkët të Jashtme dhe të Sigurisë të BE-së?, thuhet në raport./ CNA.al