E fundit!

14:42 Editorial

Çmenduria e një avokati të pandehur

Plarent Ndreca na qenka bërë sot autor i një zbulimi epoka...

Anijet e peshkimit kanë afat për rinovimin e lejeve deri më 5 dhjetor/ Subjektet që nuk aplikojnë do nxirren nga flota

6 Tetor 2020, 12:17, Aktualitet CNA

Të gjitha anijet e peshkimit të regjistruara dhe të pajisura me numër regjistri (NFR), që iu ka mbaruar afati i vlefshmërisë së lejes kanë afat për rinovim deri më 5 dhjetor 2020.

Në rast se subjektet e peshkimit, nuk deklarojnë rinovimin e lejes, Ministria e Bujqësisë do të bëjë daljen përfundimtare të anijes nga flota e peshkimit, ndërsa numri i regjistrit (NFR) të anijes së peshkimit do të jetë i pavlefshëm.

Vendimi i Ministrisë të Bujqësisë për menaxhimin e kapaciteteve të peshkimit tregtar dhe rregullimet e mënyrës së funksionimit të regjistrit të anijeve të peshkimit është botuara në Fletoren Zyrtare.

Vendimi thotë se subjektet e peshkimit, në aplikimin pranë Qendrës Kombëtare të Biznesit për rinovimin e lejes së peshkimit, duhet të dorëzojnë edhe një kopje të lejes dhe të aktit të miratimit të vjetër, në rastet kur anija ka qenë e pajisur me leje peshkimi të vlefshme.

Në vendimin e Ministrisë të Bujqësisë sqarohet se pas datës 5 dhjetor nuk do të pranohen aplikime. ?Me mbylljen e numrit të lejeve të peshkimit tregtar profesional dhe artizanal, pas datës 5 dhjetor 2020, ministria përgjegjëse për peshkimin njofton Qendrën Kombëtare të Biznesit, e cila refuzon kërkesën e subjekteve të peshkimit për hyrjen e anijeve të peshkimit tregtar profesional, përveç rastit të parashikuar.

Hyrja në flotën e peshkimit e një kapaciteti të ri peshkimi bëhet vetëm si zëvendësim me një anije me tonazh dhe fuqi motorike më të vogël ose të barabartë i një anijeje me leje të vlefshme peshkimi ose si zëvendësim i një anijeje peshkimi të mbytur, e cila ishte e pajisur me një leje të vlefshme peshkimi. Në këtë rast, subjekti i peshkimit të anijes së mbytur, pronari ose trashëgimtarët e tij aplikojnë për t?u pajisur me leje të re peshkimi.

Në aktin e miratimit të lejes së re të peshkimit, për anijen e peshkimit zëvendësuese vendoset një numër regjistri (NFR) i ri duke u specifikuar qartësisht që është zëvendësim i anijes me numrin e regjistrit (NFR) të mëparshëm. Anija zëvendësuese nuk konsiderohet si hyrje e re në peshkim?, vërehet në vendim./ Monitor