web counter
LEXO PA REKLAMA!

SHKARKO APP

App Store
Google Play

Ditëlindja e Shën Terezës/ Meta: Vepra e saj, sot frymëzuese më shumë se kurrë, ti shërbejmë të ardhmes së vendit

26 Gusht 2020, 07:14, Politikë CNA

Presidenti i Republikës ka kujtuar Shën Terezën, në 110 vjetorin e saj të lindjes.

Në një mesazh në rrjetet sociale, kreu i shtetit shkruan se vepra e Shën Nënë Terezës sot është më frymëzuese se kurrë.

Gjithashtu ai apelon politikën, ti shërbejë të ardhmes europiane të vendit dhe të ndalohet shpopullimi i Shqipërisë.

?Si sot, 110 vite me parë, lindi Shën Nënë Tereza, simboli shqiptar e botëror i humanizmit e solidaritetit njerëzor, e cila me forcën e dashurisë dhe dhembshurisë së saj hyri në zemrat dhe fitoi respektin e miliona njerëzve në mbarë botën, duke i dhënë nder e krenari kombit shqiptar në kohën më të vështirë.

Vepra e Shën Terezës është sot më shumë se kurrë frymëzim për t?u përkushtuar me dashuri ndaj njerëzve në nevojë, të braktisurve e të sëmurëve, për të bërë gjithçka duhet për këdo që ka nevojë për ndihmë, solidaritet e përkrahje sociale, si dhe për t?u angazhuar fuqimisht e të gjithë bashkë për rikthimin e shpresës për një jetë dinjitoze, për punësimin e qytetarëve, zhvillimin ekonomik të vendit dhe frenuar dramën e madhe të shpopullimit.

Me porositë dhe urtësinë e Shën Terezës të udhëhiqemi për t?i shërbyer me përulësi çdo qytetari dhe së ardhmes europiane të Shqipërisë dhe kombit shqiptar.?-shkruan Meta.





Lajmet e fundit nga