“Mediat nuk janë të pavarura”/ Dervishi: Gazetarët më shpejt marrin kredi në bankë se rrogën

25 Gusht 2020, 11:36, Politikë CNA

Gazetari Lutfi Dervishi ka folur për lirinë e medias dhe gazetarinë në ditët e sotme, për të cilën duket se ka kritika të forta.

Dervishi tha shumica e dërrmuese e gazetarëve sot janë diplomuar për gazetari, por mjedisi ku punojnë dhe modeli nuk është më i miri.

Ai deklaroi se gazetarët e rinj kanë modele të gabuara për drejtimin që ata kanë marrë. Gazetari theksoi se media sot është e lirë, por nuk është e pavarur.

?Të rinjtë në gazetari, sidomos gjatë dy dekadave të para patën një karrierë me shpejtësinë e Formula One; nga gazetar në kryeredaktor brenda pak muajve/viteve. Aq të rinj u bëmë kryeredaktorë sa rrezikuam të thyejmë direktivën e BE-së për punësimin e të miturve.

Dhjetëvjeçarin që po hyjmë gjithnjë e më shumë hapësirë po zënë ?ndikuesit/influencers, media e politikanëve/institucioneve dhe botës së spektaklit. Media është e lirë, por jo e pavarur. Liria shfaqet më shumë në faktin që asnjë politikan (në pushtet apo opozitë) nuk është imun ndaj kritikës, por e njëjta gjë nuk mund të thuhet për ?oligarkët? apo bosët e krimit. Së fundmi edhe këta kritikohen, por në jo pak raste portalet që i vënë në shënjestër janë në kërkim të reklamave dhe klikimeve.

Mjedisi ligjor është përgjithesisht i favorshëm për lirinë e medias. Përveç Kushtetutës (neni 22 dhe 23) dua të përmend ligjin për të drejtën e informimit të publikut me dokumenta zyrtare. Një ligj shumë i mirë, por që po degradon në zbatim dhe që përdoret rrallë nga gazetarët. (Tentativa e fundit e qeverisë për të vënë rregull në mjedisin on line më shumë se për të rregulluar vetullat, rrezikonte të nxirrte sytë)?, u shpreh ai për Bota.al.

Më tej, gazetari theksoi se: ?Sot lexojmë më shumë, por informohemi më pak. Me Pandeminë e Covid 19 erdhi dhe termi infodemi. Sasia dhe shpejtësia e lajmeve të rreme (fake neës) është në përpjestim të zhdrejtë me aftësinë dhe mundësinë për të kontrolluar dhe verifikuar ?lajmet?. Kontrolli dhe verifikimi i lajmeve kërkon gazetarë kurajozë dhe profesionistë që refuzojnë censurën dhe autocensurën. Sot më shumë se me censurën gazetarët përballen me autocensurën e sofistikuar: nuk ka nevojë t?u thotë kush se i dinë më mirë se vetë pronarët se kë duhet të mbështesin, kë duhet të kryqëzojnë dhe me kë nuk duhet të merren. Në këtë pikë mjaft gazetarë i ngjajnë kaut balash që nuk ka nevojë t?a shpojë qerrexhiu, por vete dhe e vendos vetë qafën në zgjedhën e parmendës. Gazetarët sot, ndryshe nga gazetarët e ?shekullit të kaluar? nuk janë më i vetmi burim informacioni për publikun, nuk është më media që përcakton axhendën e ditës apo lajmin më të rëndësishëm. Publiku sot vetëinformohet?

Dervishi deklaroi se jemi ende larg ditës që gazetarët, redaktorët, kryeredaktorët do t?i marrin vendimet bazuar mbi ndërgjegjen e tyre profesionale dhe jo mbi interesat e pronarit/politikës/biznesit.

Ai tha se informaliteti në media ka ardhur duke u ulur, por theksoi se fenomeni i vonesës së pagave ekziston ende.

?Informaliteti ka ardhur duke u ulur, mediat e mëdha janë formalizuar me kohë, megjithëse nuk përjashtohet fenomeni i pagesës me dy bordero. Vonesa në marrjen e pagave, janë ende prezente. Ka ende sot e kësaj dite gazetarë, të punësuar në media kombëtare, që më shpejt marrin kredi në bankë se rrogën. Inspektoriati Shtetëror i Punës, bën një punë shumë të lavdërueshme për të luftuar informalitetin edhe te shitësit e rrugës, por duket nuk ka këllqe të vendosë në shinat e ligjit informalitetin në media?, nënvizoi Dervishi./ CNA.al