E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Bumerangu i listës së kandidatëve në PD

25 Gusht 2020, 18:33, Politikë CNA

Sot nga zyrat e PD kanë filluar të shpërndahen ca e-maile që mbërrijnë në postat elektronike të 4.000 personave që kanë dalë nga procedurat e shpikura nga Gazi i Lulit.

Shkurt muhabeti procesi i angazhimit më të lartë politik në PD, i është lënë në dorë komunikimit me postën elektronike.Me pak fjalë, lista me 6.000 emra të propozuar nga baza, ku futen emrat e gjithë kryesive të degëve nganjëherë edhe familjarisht me mekanizmin, “ti më propozon mua, unë të propozoj ty”, u “filtrua” nga Bujari, Genci dhe Besniku.

Ajo profesoresha, nëse ka bërë ndonjë punë do jetë marrë me stivosjen e letrave, të një njeriu që nuk e njeh njeri në PD, nuk ka shans ta njohë njeri në PD.
Nga filtri i Bujarit, Gencit dhe Besnikit kaluan 4.000 copë burra dhe gra. Të kuptohemi: Nëse ka punuar filtri do të thotë që këta 4.000 janë personalitete të njohura për Bujarin Gencin dhe Besnikin, sepse këta i kanë vlerësuar minimalisht kontributet në PD dhe në jetën publike!

Por papritur këta 4.000 bëhen anonimë dhe atyre u niset një email në postat elektronike ku duhet të deklarojnë të dhëna idiote si emri i komshinjve apo shokët e universitetit.
Me një formular të cilin po ta plotesonte Luli, gjithë Shqipëria do kishte vënë duart në kokë, Gazi i Lulit, me gjithë Lul, Kunat, Genc Rul e Besnik, në fakt po kërkojnë të poshtërojnë një grup prej 100 personash brenda atyre listave prej 4.000 drejtuesve të PD dhe farefisit të tyre.
Ky plotesimi i formularëve mund të shndërrohet shumë shpejt në hall të madh për vetë PD-në.
Nëse kandidatët që njihen nga votuesit, nuk e plotësojnë fare, mos do të thotë që refuzojnë Lulin?

Çfarë erë mund të vijë, kur kandidatët e propozuar nga baza, refuzojnë formularët e Lulit?
Shpikën formularët që të poshtërojne ose përzenë kandidatët, por mund të dalë që gjithë personalitetet kandidatë të “perzënë” formularin megjithë Lul, Kunat dhe GencRul.
Perfytyroni pak Jozefina Topallin duke plotesuar atë formular!

Në rast se përshembull Jozefina do nisë të plotësojë formularin, do shohë se midis shumë deklarimeve do duhet që të deklaroje emrat e komshinjve.
Jozefina, Elona Meçon ka komshie! Kurse te rubrika: kush të njeh më mirë, jozefina me siguri do shkruante: Sali Berisha.

Ajo që pritet në fakt është refuzimi i vetëposhtërimit nga kandidatët dinjitozë, duke plotësuar formularin e GazBardhit. Ky refuzim do të prodhoje nje statistikë dinjitoze.
Do prodhojë statistikën e refuzimit nga personalitetet dinjitoze, të procesit te Lulit, Kunatit dhe Genc Rulit. Pa llogaritur pastaj faktin që nga këta 4.000 vetëm 4 ose 5 mund të përfundojnë vërtet në sallën e Kuvendit. Karriget e tjera janë të shitura!/CNA.al