Connect with Us

Skandalet me inceneratorin e Tiranës/ 4 milion euro për Klodian Zoton, në kulmin e pandemisë

Politikë

Skandalet me inceneratorin e Tiranës/ 4 milion euro për Klodian Zoton, në kulmin e pandemisë

Publikuar

-

Gazetari i ekonomisë, Klodian Tomorri ka nxjerre në dritë të tjera fakte në lidhje me koncesionin 128 milion euro të inceneratorit të Tiranës. Një dosje korruptive, për të cilën CNA.al ka publikuar prej ditësh një seri materialesh ekzkluzive, që tregojnë sesi Klodian Zoto fshihet pas kompanisë së regjistruar në Hollandë. (Lexo këtu)

Në një postim në rrjetet sociale, gazetari Tomorri shkruan se në katër muajt e parë të këtij viti, janë paguar 4 milion euro për inceneratorin e Tiranës.

Pra, ndërkohë që Shqipëria përballet me pandeminë e Covid-19, Bashkia e Tiranës dhe Ministria e Infrastrukturës, paguajne mijëra euro paguhen për kompaninë Integreted Energy BV SPV, e cila ka marrë me koncesion inceneratorin e Tiranës.

“Kush duhet të përgjigjet para drejtësisë për 4 mln eurot e inceneratorit?

Buxheti i shtetit është duke u përballur me një nga krizat më të rënda të likuiditetit në historinë 30 vjecare të Shqipërisë kapitaliste. Pandemia ka rrudhur në mënyrë dramatike të hyrat në arkën e thesarit, ndërkohë që bllokimi i ekonomisë imponon rritjen e shpenzimeve sociale për të paguar të ardhurat e mbijetesës për qindra mijë individë që kanë humbur punë.

Për të përballuar krizën e likuditetit, qeveria ka ndërhyrë dy herë me akte normative duke ndryshuar buxhetin dhe duke shkurtuar pagesat jo emergjente për të kursyer para. Në total të dy aktet kanë prekur investimet publike dhe kanë shkurtuar rreth 30 milionë euro pagesa të kontratave koncesionare që ishin parashikuar për këtë vit. Por ekziston një koncesion, i cili nuk është prekur thuajse fare nga shkurtimet dhe vazhdon të thithë miliona euro nga buxheti i shtetit, njësoj si më parë. Ai është inceneratori i Tiranës.

Në katër muajt e parë të këtij viti, Ministria e Infrastrukturës dhe Bashkia e Tiranës kanë paguar 500 milionë lekë ose rreth 4 milionë euro më urgjencë për kompaninë Integrated Energy BV SPV, e cila ka koncesionin e inceneratorit të Tiranës. Sipas të dhënave zyrtare nga Thesari i Shtetit, raundi i parë i pagesave nga buxheti për llogari të koncesionarit të inceneratorit është ekzekutuar nga data 23 janar deri në datën 3 mars. Përgjatë këtij muaji në llogarinë e kompanisë Integrated Energy, Ministria e Energjisë dhe Bashkia e Tiranës kanë paguar plot 412 milionë lekë ose rreth 3.3 milionë euro.”-shkruan Tomorri.

Por, skandali nuk mbaron me kaq.

Sipas gazetarit Tomorri, pagesa e fundit prej 80 milionë lekësh ose 650 mijë euro është ekzekutuar vetëm një ditë më parë, në datën 27 prill.

“Teksa qeveria po shkurton shpenzimet nga të gjitha veprat publike e madje edhe zëra të tjerë më emergjentë, teksa qindra mijë qytetarë janë në kushte mbijetese për të financuar nevojat bazë, buxheti paguan koncesionarin e inceneratorit me miliona euro.

Pra në vetëm 4 muajt e parë të vitit, inceneratorit i është paguar fatura e plotë, që buxheti duhet t’i paguante për të gjithë vitin 2020. Kjo ishte arsyeja se pse në aktin e dytë normatit të buxhetit, i cili është duke u diskutuar aktualisht në komisionet parlamentare, inceneratorit të Tiranës nuk ju shkurtua asnjë qindarkë. Ministria e Infrastrukturës dhe Bashkia e Tiranës kishin paguar sakaq të plotë fondin e parashikuar për këtë koncesion për të gjithë vitin duke lene duarbosh dhe ne pamundesi Ministrine e Financave te kursente para nga kjo kontrate.”-thekson gazetari.

LEXO EDHE:  Koncesioni 128 milionë euro/ Zbulohen kompanitë në Hollandë me drejtorë Rusë

Po ashtu ai ngre dyshime të forta, ndërsa shkruan se “Kur pagesat e një kontrate vjetore shërbimi ekzekutohen brenda katër muajve të parë, ngrihen vetvetiu dyshime të forta. Shqipëria është një vend ku pagesat e buxhetit për bizneset, jo vetëm që nuk kryhen sipas afateve, por vonohen edhe me vite duke u akumuluar si borxhe të prapambetura. Pse paratë e incerenatorit u paguan me urgjencë. A mos vallë dikush kishte informacion se fondet për koncesionet do të shkurtoheshin për shkak të krizës dhe nxitoi që të ekzekutonte transfertat?
Këto janë pikëpyetje, të cilat duhet të hetohen me hollësi.”

Sipas gazetarit Tomorri, kjo po e con shtetin shqiptar shumë më afër falimentit.

“Kush është pompa që shtyn paratë e qytetarëve shqiptarë drejt inceneratorit edhe në krizën më të rëndë të likuditetit, e cila e ka cuar shtetin më afër se kurrë vijës së falimentit buxhetor? Madje situata eshte aq e rende sa qe një ditë më parë, përmes deputetit Ilir Beqja, maxhoranca testoi ne opinionin publik opsionin e uljes së pagave për punonjësit e shtetit e madje edhe uljen e pensioneve për të shpërndarë barrën e krizës. Por a ka moral një maxhorancë dhe një qeveri të kërkojë masa kaq drastike, kur buxheti i shtetit paguan para për koncesione të dyshimta, të cilat ndërthurin bashkë interesa të krimit të organizuar, korrupsionin e qeveritarëve dhe babëzinë e mbetjeve te peshtira politike të hedhura në koshin e plehrave të korrupsionit.

Të gjithë këta duhet të sillen përpara drejtësisë. Ashtu si zyrtarët që gjatë kësaj kohe kanë firmosur me ngut ekzekutimin e pagesave për koncesionet, vetëm e vetëm që ato të mos prekeshin dhe kriza të bjerë mbi të pamundurit.”-përfundon postimin e tij Klodian Tomorri./ CNA.al

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Koncesioni 128 milionë euro/ Zbulohen kompanitë në Hollandë me drejtorë Rusë

Koncesioni 128 milion euro/ Plas skandali në Shqipëri, kompania ndryshon emër në Hollandë

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri

Skandali/ Koncesionari i 128 milion eurove fsheh ndryshimin e emrit

Thellohet skandali me koncesionin 128 milion euro/ Zbulohen të tjera dokumente

Zbulohet ortakëria e Erion Veliajt, me Klodian Zoton e inceneratorëve

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Rikthim pas në kohë/ Leksioni i Sokol Olldashit shtatë vite më parë dhe premtimet e pambajtura të Ramës

Publikuar

-

Nga

Kryeministri Edi Rama erdhi në pushtet në vitin 2013, pas një fushate elektorale me premtime të mëdha, por që deri më sot asnjë nuk janë realizuar.

Pas një darke me ngjala në Gjirin e Lalzit, në 1 prill 2013, Edi Rama në atë kohë në opozitë, shpalli aleancën me kreun e LSI-së, në atë kohë, Ilir Meta dhe bashkëqeverisën për katër vite, duke ndarë “tepsinë” e pushtetit, e cila u shoqërua me jo pak bëma dhe gjëma të Rilindjes.

Më tej, në vitin 2017, Rama mori timonin dhe tepsinë i vetëm, dhe pasojat po i shohin vetë shqiptarët.

Por, duke u kthyer sërish pas në kohë, shtatë vite më parë, kujtojmë një leksion që i dha në atë kohë i ndjeri Sokol Olldashi, ish-ministër i Transportit.

Në një postim në rrjetet sociale, i cili mban datën 27 prill 2013, Sokol Olldashi shkruante se “I gjati me të shkurtrin udhëtuan sot drejt Vlorës ku i gjati llafosi prapë për rrugët. Fillimisht tha se kishte numëruar shtyllat. Por, Rama nuk na tha nëse këtë numer ka perfshire edhe vehten dhe Gjushin, apo jo!
Pastaj tha se nuk kishte pare njeri duke punuar. Por, Ramës i ka dalë nga mendja se sot është e shtunë dhe dynjaja e ka pushim. Ka vetëm një kantier në Shqipëri ku punohet edhe te shtunen, autostrada Tiranë-Elbasan. Zahmet e ka zoti Rama, le t’i bjere andej në kthim dhe të shohe si punohet. Ne mos, duhet të presë të hënën.
Pastaj molloisi për punë të kilometrave dhe tha se nuk jane 10 mije, por një mijë dhe se Shqipëria nuk ka dhjetë mijë km rrugë. Njeriu që do të behet kryeminister duhet të dije se ne fakt vendi ka rreth 18 mijë kilometra rrugë, pra të shkojë në Tokio, të hajë dreke sic tha Rama, të kthehet dhe të shkojë prapë për darkë dhe, nëse Rama e bën këtë, mirë është te mos kthehet hic.
Por, cudinë e madhe Rama e bëri gjetkë. Premtoi se do të ndërtojë një autostrade të kalter, në det, nga Mali i Zi ne Greqi. Ky ia kaloi edhe Pandi Majkos për guxim, nëse është guxim dhe jo gjë tjetër… Pandi tha dikur se do ndërtonte nje tunel detar për të lidhur Vloren me Otranton, ky do ndërtojë një autostradë detare gjashtë herë më të gjate se tuneli i Majkos. E kuptoni qe ky eshte me karavidhe se Pandi i shkrete!!!!!!
Gjithesesi une nuk kuptoj nje gje. Pse nuk i mat rruget ky njeri?! Listen e ka. Le ti mase dhe te na thote sa jane. Ne themi qe jane 10 237 kilometra, po ai le t’i mase vete fundja. Do t’i dalin 5 118.5 ede, ose 20 474 vangjushe.”.

Dhe sot pas shtatë vitesh në pushtet, Edi Rama nuk ka mbajtur asnjë premtim të fushatës së tij elektorale.

LEXO EDHE:  Njeriu misterioz që shiti 9 milion euro koncesion për vetëm 250 dollarë

LEXO EDHE:  Ti ke fatin e madh të qendrosh në shtëpi

Jo vetëm premtimet imagjinare, që përmend Olldashi si “autostrada e kaltër”, por asnjë prej premtimeve të bëra.

Rama premtoi uljen e çmimeve të shportës dhe uljen e çmimit të energjisë elektrike, por ansjëra nuk është realizuar.

Rama premtoi shëndetësi falas, por në fakt shqiptarët po e paguajnë me çmime abusive, nëpërmjet koncesioneve qeveritare, përmendim këtu atë të Chek up, i cili është jo pak i akuzuar nga mediat dhe opozita.

Rama premtoi anullimin e koncesioneve të qeverisë Berisha, por ajo që ka ndodhur sot është se jo vetëm nuk janë anulluar ato të Berishës, por koncesione dhe PPP-të janë kryefjala e qeverisjes së tij./ CNA.al

LEXO TE PLOTE

Politikë

“Ortak i Ramës, dështak”/ Ndjekësit e Syri Tv “masakrojnë” Bashën

Publikuar

-

Nga

Kreu i PD, Lulzim Basha ka qenë mbrëmjen e djeshme i ftuar në emisionin “Çim Peka Live” në Syri Tv.

Basha ka folur për situatën në të cilën gjendet vendi për shkak të koronavirusit si dhe menaxhimin nga ana e qeverisë.

Mirëpo, ajo që bie në sy janë komentet e ndjekësve të cilët kanë “masakruar” kryedemokratin. Përmes komenteve, qytetarët akuzojnë Bashën se është ortaku i Ramës, ndërsa ky i fundit tallet me kreun e PD.

LEXO EDHE:  E ardhmja e errët e njerëzimit!/Gazetari: Do ketë përmbytje të madhe, kush do shpëtojë!

LEXO EDHE:  Nga Klodian Tomorri/ Problemi është Parlamenti, Shqipëria vidhet me ligj

Qytetarë të ndryshëm shkruajnë se nuk kanë aspak besim te Basha teksa shprehen se nuk do të donin ta shihnin atë në postin e kryeministrit.

Madje nuk kanë munguar as fyerjet nga ana e komentuesve të cilët e quajnë Bashën një “dështak”. Keto komente negative, sharje dhe fyerje ndaj Bashës vijnë pikërisht nga ndjekësit e Syri Tv i cili konsiderohe si “Zëri i Popullit i Republikës së Re”./CNA.al

 

 

 

 

 

 

LEXO TE PLOTE

Politikë

Meta jep alarmin për sigurinë në punë/ Mesazhi i fortë për qeverinë

Publikuar

-

Nga

Me rastin e Ditës Ndërkombëtare të Sigurisë dhe Shëndetit në Punë, presidenti Ilir Meta i ka drejtuar një mesazh të fortë qeverisë.

Në një postim në rrjetet sociale, kreu i shtetit thekson se qeveria duhet të garantojë me përgjegjësi dhe transparencë të gjitha masat mbrojtëse për mjekët, infermierët dhe personelin e tyre mbështetës.

“Me rastin e Ditës Ndërkombëtare të Sigurisë dhe Shëndetit në Punë, përsëris thirrjen drejtuar Qeverisë për të garantuar me përgjegjësi dhe transparencë të gjitha masat mbrojtëse për mjekët, infermierët dhe personelin e tyre mbështetës, të cilët rrezikojnë shëndetin e tyre për të mbrojtur shëndetin e të gjithëve ne.”-shkruan Meta.

Po ashtu ai ka reaguar edhe në lidhje me situatën në fasoneri, ndërsa shkruan se “Me shqetësim kam ndjekur këto ditë edhe situatën në sektorin fason, ku janë shfaqur një sërë problematikash, që mund të ishin shmangur nëse masat kufizuese, higjena dhe distancimi social në ambientet e punës do të ishin respektuar. Ndërkohë që ky sektor kryesor punëdhënës ka nevojë për një përkrahje më konkrete për të mbijetuar.
Garantimi i kushteve të sigurta dhe të shëndetshme të punës në çdo sektor, veçanërisht të kujtdo që është në vijën e parë kundër COVID-19, janë të domosdoshme për menaxhimin e pandemisë dhe rikthimin sa më shpejt në normalitet.
Jeta, shëndeti dhe mirëqenia e qytetarëve janë të parat! “./ CNA.al

LEXO TE PLOTE