Connect with Us

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri

Politikë

Thellohet skandali/ Kompania e konçesionit 128 milionë euro asnjë eksperiencë, filloi në Shqipëri

Publikuar

-

CNA.al në disa shkrime të publikuara ditët e fundit ka treguar me fakte dhe dokumenta ekskluzive se kush qëndron pas kompanisë Integreted Energy BV e cila ka marrë një kontratë koncesionare prej 128 milion eurosh, për 30 vite koncesionin e landfillit të Sharrës dhe inceneratorin në kryeqytet.

Kompania u reklamua mjaft fort dhe u tha se ishte një kompani me eksperiencë, që do të hapte vende të reja pune, e të tjera si këto.

Por, ne treguam me dokumente se kompania nuk kishte asnjë eksperiencë.  Integreted Energy BV ishte themeluar në vitin 2016, të cilën mund ta lexoni këtu, nga Klodian Zoto, i cili është i njëjti që shfaqet edhe te inceneratori në Fier, në bashkëortkaëri me persona të tjerë të përfshirë në këtë skemë, ku shfaqet edhe ortaku i tij Mirel Mërtiri, bashkëjetuesja e këtij të fundit, Stela Gugallja,  si dhe një shtetas italian Ernesto Granelli.(Lexo ketu)

CNA.al ka bërë edhe një vëzhgim tjetër dhe sot me fakte konkrete do të sjellim çfarë reklamon vetë Integreted Energy BV. Përtej dokumenteve që i keni lexuar në shkrimet e mësipërme, ne sot po sjellim një tjetër fakt.

Kjo kompani nuk ka asnjë eksperiencë. Pra, nga hiçi u regjistrua në Hollandë, vjen në Shqipëri dhe merr 128 milion euro kontratë koncesionare nga taksat e shqiptarëve.(Lexo ketu)

Përtej lëvizjeve, aksionerëve dhe emrave të përfshirë, themelimit, letrave, kontratës me ministrinë e Mjedisit,  ekstraktet e nxjerra nga Qendra Kombëtare e Biznesit, dhe kontratave zyrtare, ne sot po bëjmë një vëzhgim të thjeshtë në faqen e internetit të kësaj kompanie.

Faqja zyrtare e Integreted Energy BV, tregon se ka vetëm tre projekte. Ato janë në Shqipëri, në Ganë dhe në Zimbabve.

Tek rasti i Zimbabve pati edhe një skandal publik të raportuar në media dhe projekti nuk u realizua. Ndërkohë Integreted Energy BV, deklaron se ka dy projekte, në Shqipëri dhe në Ganë. Dhe asgjë tjetër të raportuar apo reklamuar si punë të kryer apo angazhim në biznes.

LEXO EDHE:  Gazetari i Babales sulmon Ambasadën e SHBA

Pra, ajo që u pretendua eksperienca e madhe e Hollandës, një kompani e madhe e të tjera, tashmë tregohet edhe nga vetë faqja zyrtare në internet e kompanisë Integreted Energy BV, se eksperienca ishte zero.

Është kjo kompani, e cila është e regjistruar në një rrjet guackash offshore në Hollandë, ku dhe së fundi, pra rreth dy muaj më parë, kur CNA.al zbuloi skandalin e parë në lidhje me një kompani të Klodian Zotos dhe Mirel Mërtiri në bashkëortakëri me Eva Blushin, bashkëshorten e drejtorit të Top Channel, Ben Blushi, ndërtuar në Bullgari, ndryshuan emrin në Geogenix BV, nga Integreted Energy BV.(Lexo ketu)

Por, mesa duket ndryshimi i emrit ka qënë vetëm për Hollandën, pasi në faqen zyrtare të internetit nuk ka ndryshuar asgjë. Por, ngelet ajo që ka qënë. Dhe atje lexohet qartë dhe kuptohet se kjo është një kompani e ndërtuar shpejt dhe thjeshtë dhe vetëm për të filluar aktivitetin në Shqipëri, e cila është reklamuar si një histori e re suksesi.

Në fakt historia fillon me Shqipërinë. Gjithçka është thënë në media, gjithçka është raportuar nga qeveria, gjithçka është thënë nga kryebashkiaku i Tiranës janë vetëm një gënjeshtër për opinionin public për të justifikuar 128 milion euro, me një proçedurë të dyshimtë, e cila ngre të gjitha akuzat e një afere të mbështetur nga politika ku janë përfshirë një zinxhir politikanësh, të cilët turpësisht nuk hetohen dhe nuk verifikohen nga asnjë institucion ligjzbatues në vend./ CNA.al

Koncesioni 128 milion euro/ Plas skandali në Shqipëri, kompania ndryshon emër në Hollandë

Koncesioni 128 milionë euro/ Zbulohen kompanitë në Hollandë me drejtorë Rusë

Skandali/ Qeveria 50 milion euro kompanive pa asnjë lek

Dokumentet ekskluzive-Si u garantuan 128 milion euro/ Skema korruptive e inceneratorit të Tiranës, emrat dhe kompanitë e përfshira

Skandali-Nga pronarët e mediave tek kompanitë off shore/ Skema e plotë e koncesionit të inceneratorëve, emrat e përfshirë

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Myslim Murrizi synon një mandat në Fier/ Bujar Çela: Do i heqë vota PD, nuk e arrin dot qëllimin

Publikuar

-

Nga

Qytetarët shqiptarë në zgjedhjet e 25 prillit, përveç partive tradicionale, do të kenë përballë tyre një sërë partish të reja, të cilat janë shgprehur optimist se do të kenë një rezultat të kënaqshëm.

Myslim Murrizi ë këto zgjedhje vjen me partinë e tij Lëvizja Demokratike Shqiptare, ndërsa në një intervistë për CNA.al u shpreh se do të arrijë të marrë mandat të sigurt në Fier dhe Tiranë, ndërsa shtoi se është shumë afër marrjes së një deputeti edhe në Korçë dhe Durrës.

Unë nuk mbahem sikur shoh filxhan, filxhan sheh Mona, por unë do të marr mandate në Fier, Tiranë, jam shumë afër mandatit në Korçë, Durrës, do të luaj fort dhe do të ketë surpriza në Lezhë dhe Dibër. Nuk do të ketë qark të Shqipërisë që LDSH nuk do të ketë vota në 5197 qendra votimi që ka Shqipëria”, tha Murrizi.

Por për kandidatin e PS në qarkun e Fierit Bujar Çela synimi i Murrizit do të jetë i pamundur. Në një intervistë për CNA.al, Çela deklaroi se Murrizi do të arrijë të marrë vetëm pak vota nga partia që ka dalë, PD, por sipas tij pa arritur të krijojë një mandat.

LEXO EDHE:  Importi i makinave të përdorura/ Del udhëzimi për kushtet teknike 

LEXO EDHE:  Enno Bozdo zgjidhet arbiter në ndeshjet e basketbollit të Ramës

Unë jam deputet jo me korrespodent, jam përditë. Myslimi është pjesë e atyre që janë zemëruar me nënën dhe me babën dhe po mundohen të gjejnë strehë te komshiu e komshia. Mua nuk më shqetëson fare;. E shumta ai do të marrë ndonjë mandat nga e djathta, por unë nuk e besoj, forcë politike nga ka ardhur.

Por Myslimi ka një marrëdhënie të shumëfishtë, të shumëprovuar dhe asjë herë nuk ka marrë mandat. E shumta ai do heqë ca vota nga e djathta, por pa prodhuar mandat dhe pa dëmtuar mandat për ata, se për ne jo e jo”, tha Çela për CNA.al.

LEXO TE PLOTE

Politikë

Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

Publikuar

-

Nga

Zgjedhjet e 25 prillit/ Bujar Çela: PS-PD po sillen korrekt me elektoratin, synojmë 11 mandate në Fier

Partia Socialiste dhe Partia Demokratike, si forcat më të mëdha kanë shtuar retorikat e tyre se do të dalin forcë e parë në çdo qark.

Fieri, që deri më sot mbahet si bastion i së majtës, për socialistët është fitore e sigurt.

Në një intervistë për CNA.al, kandidati i PS Bujar Çela, i cili renditet i shtati në këtë qark shprehet se në zgjedhjet e 25 prillit kanë të sigurt 10 mandate parlamnentare, ndërsa shtoi se janë afër mandatit të 11.

Sipas tij, deri tani fushata elektorale po ecën mjaft mirë nga PS dhe PD, ndërsa theksoi se lista eopozitës është zgjeruar pa patur asnjë përfitim e duke futur kryetarët e partive të vogla për tu siguruar një mandat në Parlament.

Fushata elektorale për mua ka ecur mjaft mirë, një fushatë e qetë. Të dyja partitë e mëdha për mua janë korrekte me sjelljen, pastaj ka nga të vegjlit të cilët për të përfituar nga  numrat që nuk i gjejnë dot sillen jo në përputhje me kodin dhe me ato që kemi miratuar.

Partitë e vogla e kam fjalën për pseudomotrën e të dyja partive të mëdha. Lista e madhe e PD ka futur një tufë pseudopartishë që kanë vetëm kryetarë dhe janë vendosur në listë për të futur kryetarët në Parlament. Këta pas dy vjetësh i ka marrë malli shumë për pushtet dhe janë kthyer me listat e PD-së.

Ne në qarkun e Fierit kemi 10 mandate dhe duam të bëjmë 11”, tha Bujar Çela për CNA.al.

LEXO TE PLOTE

Politikë

“Jemi një familje”/ Basha në Kamëz: Nga shpirti juaj buron thirrja për ndryshim

Publikuar

-

Nga

Kreu i partisë Demokratike Lulzim Basha gjatë një takimi elektoral me banorët në Kamëz u shpreh se ishte përgatitur për një vizitë në një familje, por sipas tij të gjithë të pranishmit janë një familje.

Më tej, ai shtoi se pensionistët me lekët që marrin mund të paguajnë vetëm faturat e energjisë dhe ilaçet.

 “Nga shpirti juaj buron thirrja e ndryshimit. Flamur Noka më tha se do shkojmë për një vizitë në një familje por të gjithë këtu jemi një familje. Një familje e ndryshme në përbërje me  nëna të vuajtura me gjyshe që kanë sakrifikuar çdo ditë. Me baba të rraskapitur në ferma dhe miniera për të ardhmen e fëmijëve të tyre.

Pensionistët pasi paguajnë faturat e energjisë dhe ilaçet nuk i’u mbetet asgjë. Nga ky shesh 8 vite më parë u premtua legalizimi falas dhe ju braktisën pa pikën e përgjegjësisë.”, u shpreh Basha./CNA.al

LEXO TE PLOTE